“भाजपधार्जिणा तालुकाध्यक्ष नकोच!” – शिरपूर काँग्रेस संवाद बैठकीत कार्यकर्त्यांचा ठाम निर्धार
शिरपूर (प्रतिनिधी):-
शिरपूर तालुका काँग्रेस कमिटीची एक महत्त्वाची संवाद व विचारविनिमय बैठक मंगळवार, दि. १६ जून रोजी शिरपूर शहरातील काँग्रेस भवनात मोठ्या उत्साहात पार पडली. या बैठकीचे अध्यक्षस्थान युवराज आबा करंकाळ यांनी भूषवले.
या बैठकीत आगामी काळातील संघटनात्मक बांधणी, तालुका काँग्रेस अध्यक्षपदाची निवड तसेच पक्षाच्या भविष्यातील वाटचालीबाबत सखोल चर्चा करण्यात आली. बैठकीदरम्यान सर्व पदाधिकारी व कार्यकर्त्यांनी एकमुखी भूमिका मांडत स्पष्ट शब्दांत सांगितले की, भारतीय जनता पक्षला पाठिंबा देणारा किंवा भाजपधार्जिणा कोणताही तालुकाध्यक्ष शिरपूर काँग्रेसला मान्य असणार नाही.
यावेळी काँग्रेसचे ज्येष्ठ नेते मोहन साहेबराव पाटील, ॲड. गोपालसिंह राजपूत आणि मनोज पावरा यांनी आपली ठाम भूमिका मांडली. तालुक्याला काँग्रेसची विचारधारा जपणारे, कार्यकर्त्यांचा विश्वास मिळवणारे आणि पक्षाशी प्रामाणिक राहणारे नेतृत्वच आवश्यक असल्याचे त्यांनी स्पष्ट केले.
या प्रसंगी धुळे जिल्ह्याचे नवनियुक्त काँग्रेस अध्यक्ष युवराज आबा करंकाळ यांचे शाल व पुष्पगुच्छ देऊन उत्स्फूर्त स्वागत करण्यात आले. स्वागताबद्दल आभार व्यक्त करताना करंकाळ यांनी सांगितले की, शिरपूर तालुक्यात काँग्रेसला नवसंजीवनी देण्यासाठी आणि कार्यकर्त्यांना न्याय देण्यासाठी लवकरच एक विशेष समिती स्थापन केली जाईल.
देशातील वाढती महागाई, बेरोजगारी आणि सामान्य जनतेतील असंतोष पाहता, काँग्रेस हाच देशाच्या भविष्यासाठी आशेचा किरण असल्याचे मत त्यांनी व्यक्त केले. समाजाच्या तळागाळातील घटकांपर्यंत पोहोचण्यासाठी काँग्रेसने तालुका, शहर आणि गावपातळीवर संघटन मजबूत करण्याची गरज असल्याचेही त्यांनी सांगितले.
या बैठकीला कार्यवाहक अध्यक्ष प्रमोद सिसोदे, सेवा दल प्रमुख राजेंद्र खैरनार, रणजित अण्णा पावरा, अभिमन भोई, मोहननाना पाटील, अशोकसेठ अग्रवाल, पद्माकर देशमुख, प्रकाशसिंह जमादार, विजय तिवारी, आसिफभाई अहलेकार, गेंड्यादादा पवारा, जुनैदभाई पठाण, विजयसिंह राजपूत, अरविंद पवारा यांच्यासह मोठ्या संख्येने काँग्रेस पदाधिकारी व कार्यकर्ते उपस्थित होते.
बैठकीतून एकच सूर उमटला—काँग्रेसच्या विचारधारेशी निष्ठावंत असलेल्या कार्यकर्त्यालाच तालुका अध्यक्षपदासाठी प्राधान्य देण्यात यावे.
#ShirpurCongress
#CongressMeeting
#TalukaCongress
#CongressStrength
#NoBJPSupport
#CongressIdeology