शिरपूरमध्ये घरफोडी करणाऱ्यांना पोलिसांचा दणका; सराईत आरोपीसह तिघे गजाआड

 

शिरपूरमध्ये घरफोडी करणाऱ्यांना पोलिसांचा दणका; सराईत आरोपीसह तिघे गजाआड

शिरपूर | प्रतिनिधी

शिरपूर शहरात सलग घरफोडी करून चोरी करणाऱ्या टोळीविरोधात शिरपूर शहर पोलिसांनी प्रभावी कारवाई करत तीन आरोपींना अटक केली असून त्यांच्याकडून तब्बल ₹2,27,000/- किमतीचा मुद्देमाल हस्तगत करण्यात आला आहे. या कारवाईमुळे शहरात वाढलेल्या घरफोडीच्या घटनांवर मोठा आळा बसला आहे.

दिनांक 04 जून 2026 रोजी सकाळी 11.30 वाजेपासून 10 जून 2026 रोजी दुपारी 3.00 वाजेच्या दरम्यान, फिर्यादी किरण मगन ठाकूर (वय 45, रा. फुलेनगर, शिंगावे शिवार, ता. शिरपूर, जि. धुळे) यांच्या राहत्या घराचे कुलूप तोडून अज्ञात चोरट्यांनी घरात प्रवेश केला.

घरातील हॉलमधून MI कंपनीचा 43 इंची LED टीव्ही व रियलमी कंपनीचा मोबाईल फोन चोरून नेण्यात आला. याप्रकरणी शिरपूर शहर पोलीस ठाणे येथे गुन्हा र.नं. 264/2026 अन्वये भारतीय न्याय संहिता (BNS) कलम प्रमाणे गुन्हा दाखल करण्यात आला होता.

दिनांक 13 जून 2026 रोजी, शिरपूर शहर पोलीस ठाण्याच्या डी.बी. पथकाचे कर्मचारी रात्रगस्त करत असताना भुपेश नगर, शिरपूर परिसरात इको वाहन (क्र. GJ-26-EE-3354) संशयास्पदरीत्या फिरताना आढळले. वाहन थांबवून चौकशी केली असता त्यातील इसम उडवा-उडवीची उत्तरे देऊ लागले.

त्यांची नावे पुढीलप्रमाणे सांगण्यात आली –

जयेश संजय धनगर (वय 21, रा. क्रांती नगर, शिरपूर)

मुकेश किशोर पाटील (वय 22, रा. आढे, ता. शिरपूर)

आकाश ऊर्फ रितीक चंदू माळी (वय 22, रा. गवळीवाडा, शिरपूर)

पंचांसमक्ष अंगझडती व वाहनाची तपासणी केली असता, घरफोडीतील चोरीचा मुद्देमाल मिळून आला.

जप्त केलेला मुद्देमाल

MI कंपनीचा 43 इंची LED टीव्ही – ₹20,000/-

रियलमी कंपनीचा अँड्रॉइड मोबाईल (IMEI नं. नोंदवलेला) – ₹7,000/-

इको वाहन (GJ-26-EE-3354) – ₹2,00,000/-

👉 एकूण मुद्देमाल : ₹2,27,000/- रुपये जप्त करण्यात आला.

आरोपी आकाश ऊर्फ रितीक चंदू माळी याच्यावर यापूर्वीही शिरपूर शहर पोलीस ठाण्यात भादंवि कलम 379 अंतर्गत गुन्हे दाखल असल्याची नोंद आहे.

सदरची कामगिरी पोलीस अधीक्षक विशाल आनंद,अपर पोलीस अधीक्षक अजय

देवरे तसेच उपविभागीय पोलीस अधिकारी ,विश्वजीत जाधव यांचे मार्गदर्नाखाली शिरपूर शहर

पो.ठाण्याचे पोलीस निरीक्षक किशोरकुमार परदेशी पोलीस अंमलदार रविद्र आखडमल, अतुल पाटील

सचिन वाघ विनोद आखडमल, गोविंद कोळी योगेश दाभाडे, मनोज महाजन, सोमा टाकरे, आरीफ तडवी,

मनोज दाभाडे, प्रशांत पवार. भटु साळंके तसेच स्था.गु.शा.धुळे येथील पोहेकॉ।अमोल पाटील अशांनी मिळुन केली आहे.

#Shirpur #Dhule #MaharashtraPolice #ShirpurPolice

#CrimeNews #HouseBreakIn #PoliceAction

#CrimeControl #StolenPropertyRecovered

#LawAndOrder #PublicSafety #BreakingNews

🏷️ News Tags (English)

Shirpur News, Dhule District News, Maharashtra Crime News,

House Burglary, Police Investigation, Crime Detection,

Shirpur City Police, Stolen Property Recovery