“छत्रपती शिवाजी महाराज महसूल समाधान शिबीर” शिरपूर तालुक्यात सुरु
ग्रामीण जनतेच्या तक्रारींवर जागेवर तोडगा; महसूल विभागाचा थेट संवाद उपक्रम
शिरपूर (धुळे) – ग्रामीण भागातील सर्वसामान्य नागरिक, शेतकरी, महिला व विद्यार्थ्यांच्या महसुली अडचणींचे त्वरित निराकरण करण्यासाठी महसूल विभागामार्फत “छत्रपती शिवाजी महाराज महसूल समाधान शिबीर” अभियान राबविण्यात येत आहे. Shirpur तालुक्यात मंडळस्तरावर या शिबिरांचे आयोजन करण्यात आले असून शासन निर्णयानुसार निश्चित वेळापत्रक जाहीर करण्यात आले आहे.
या अभियानाचा उद्देश म्हणजे नागरिकांशी थेट संवाद साधून त्यांच्या प्रलंबित महसुली प्रकरणांचा जागेवर निपटारा करणे, विविध शासकीय योजनांची माहिती देणे आणि लाभ मंजुरी प्रक्रिया गतीमान करणे हा आहे.
📅 मंडळनिहाय शिबिरांचे वेळापत्रक (शिरपूर तालुका)
अर्थे – ११ मार्च २०२५
थाळनेर – १२ मार्च २०२५
कोडीद – १४ मार्च २०२५
जवखेडा – १८ मार्च २०२५
गिधाडे – २४ मार्च २०२५
बोराडी – ०८ एप्रिल २०२५
सांगवी – १० एप्रिल २०२५
दहीवद – १५ एप्रिल २०२५
करवंद – १७ एप्रिल २०२५
शिरपूर – ०८ मे २०२५
होळनांथे – १५ मे २०२५
🎯 शिबिरात होणारी प्रमुख कामे
शासन निर्णयांचे वाचन व जनजागृती
प्रलंबित फेरफार प्रकरणांचा निपटारा
सामाजिक अर्थसहाय्य योजनांतील प्रकरणांची छाननी व मंजुरी आदेश वाटप
विद्यार्थ्यांना विविध प्रमाणपत्रांचे वितरण
शेतकऱ्यांना ७/१२ व इतर नोंदी संदर्भात मार्गदर्शन
पीक नुकसान, पीएम किसान, अन्नसुरक्षा योजना तक्रार निवारण
अग्रीस्टॅक नोंदणी प्रक्रिया
📍 प्रशासनाची विशेष बैठक
दिनांक २५ फेब्रुवारी २०२६ रोजी तहसील कार्यालय, शिरपूर येथे सर्व तालुकास्तरीय विभागांची आढावा बैठक घेण्यात आली. संबंधित मंडळ अधिकाऱ्यांना प्रलंबित प्रकरणांची अद्ययावत यादी सादर करण्याचे निर्देश देण्यात आले असून सर्व विभागांनी समन्वय साधून शिबिर यशस्वी करण्याच्या सूचना देण्यात आल्या आहेत.
तहसील प्रशासनामार्फत नागरिकांना या शिबिरांचा जास्तीत जास्त लाभ घेण्याचे आवाहन तहसीलदार, शिरपूर यांनी केले आहे.