*महाराष्ट्र विधानसभा निवडणूक 2024*
*जिल्ह्यातील पाचही विधानसभा मतदारसंघातील*
*मतदान केंद्रांवर गोपनीयतेचा भंग होईल अशी कृत्य करण्यास सक्त मनाई*
*- जिल्हादंडाधिकारी जितेंद्र पापळकर*
धुळे, दिनांक 18 नोव्हेंबर, 2024 (जिमाका वृत्तसेवा) : जिल्ह्यातील पाचही विधानसभा निवडणुकीसाठी बुधवार दि. 20 नोव्हेंबर, 2024 रोजी सकाळी 7.00 ते सायंकाळी 6.00 या कालावधीत मतदान होणार आहे. तर शनिवार दि.23 नोव्हेंबर, 2024 रोजी मतमोजणी प्रक्रिया पार पडणार आहे. मतदानाच्या दिवशी मतदान केंद्रावर व मतमोजणीचे ठिकाणी कोणत्याही प्रकारचा कायदा व सुव्यवस्थेचा प्रश्न निर्माण होऊ नये. यासाठी 20 नोव्हेंबर व 23 नोव्हेंबर, 2024 रोजी मतदान सुरु झाल्यापासून ते मतदान प्रक्रिया संपेपर्यंत व मतमोजणी प्रक्रिया सुरु झाल्यापासून ते मतमोजणी प्रक्रिया संपेपर्यंत निवडणूक आयोगाने प्राधिकृत केलेले अधिकारी व निवडणूक कामाशी निगडीत कर्मचारी वगळून इतर व्यक्तींस मोबाईल फोन, कॉर्डलेस फोन, वायरलेस सेट इत्यादी इलेक्ट्रॉनिक वस्तु वापरण्यास सक्त मनाई करण्यात आल्याचे आदेश जिल्हादंडाधिकारी जितेंद्र पापळकर यांनी निर्गमित केले आहे.
जिल्हादंडाधिकारी श्री.पापळकर यांनी आदेशात म्हटले की, भारतीय नागरिक सुरक्षा संहिता 2023 चे कलम 163 नुसार जिल्ह्यातील 05-साक्री, 06-धुळे ग्रामीण, 07-धुळे शहर, 08-शिंदखेडा, 09-शिरपूर या पाच विधानसभा मतदारसंघात 20 व 23 नोव्हेंबर, 2024 रोजी मतदान सुरु झाल्यापासून ते मतदान प्रक्रिया संपेपर्यत व मतमोजणी प्रक्रिया सुरु झाल्यापासून ते मतमोजणी प्रक्रिया संपेपर्यंत मतदान / मतमोजणी केंद्राच्या 200 मीटर अंतरापर्यंत, परिसरात राजकीय पक्षांचे बुथ स्थापित करणे, प्रचार साहित्य बाळगणे अथवा वापरण्यास प्रतिबंध आहे. तसेच या कालावधीत मतदान / मतमोजणी केंद्राचे बाहेर 100 मीटर अंतरापर्यंत/ परिसरामध्ये निवडणूक आयोगाने प्राधिकृत केलेले अधिकारी व निवडणूक कामाशी निगडीत कर्मचारी वगळून कोणत्याही व्यक्तिने मोबाईन फोन, कॉर्डलेस फोन, वायरलेस सेट इत्यादी बाळगणे, वापरणे अथवा मतदानाच्या गोपनियतेचा भंग होईल अशी कृत्य करणेस प्रतिबंध आहेत. मतदान /मतमोजणी केंद्रातील प्रतिनिधी व इतर प्रतिनिधी यांनी मतदान केंद्रामध्ये मोबाईल वापरणे किंवा फोटो काढणे अथवा चित्रीकरण करणे तसेच मतदानाच्या गोपनियतेचा भंग होईल अशी कृत्य करणे. मतदान /मतमोजणी केंद्राच्या 100 मीटर परिसरामध्ये सुरक्षेतेच्या कारणास्तव नेमलेले पोलीस अधिकारी, कर्मचारी वगळून कोणत्याही व्यक्तीने कोणत्याही प्रकारची शस्त्रे बाळगण्यास प्रतिबंध करण्यात आल्याचेही जिल्हादंडाधिकारी श्री. पापळकर यांनी आदेशात नमूद केले आहे.
00000