शिरपूर फर्स्टचे भारतीय राष्ट्रीय राजमार्ग प्राधिकरण धुळे डायरेक्टर यांना निवेदन..
अधिकारी कुठलीही जबाबदारी स्वीकारायला तयार नाही नितीन गडकरी यांच्या कडे जाण्याचे सांगितले.
शिरपूर फर्स्टच्या वतीने शिरपूर सोनगीर आणि अधिकृत वसुली विरोधात संघर्ष सुरू आहे. शिरपूर नगरपालिकेच्या हद्दीपासून चार किलोमीटरच्या अंतरावर असलेले शिरपूर टोल शिरपूरच्या स्थानिक वाहनधारकांसाठी आधार कार्ड दाखवून टोल माफ करा. व शिरपूर सोनगीर या टोल मधील अंतर केवळ 32 किलोमीटर आहे. जर दोन टोल मधील अंतर हे किमान 60 किलोमीटर पाहिजे तर शिरपूर व सोनगीर टोल मधील अंतर हे फक्त 32 किलोमीटर कसे.
शिरपूर ते धुळे या पन्नास किलोमीटर अंतरासाठी
वाहनधारकांना एकूण जाण्यासाठी 205 रुपये टोल भरावा लागतो. ही वाहनधारकांची आर्थिक पिळवणूक आहे शिरपूर सारख्या ग्रामीण भागातून येणारा वाहनधारक या वसुलीच्या सातत्याने बळी पडत आहे.
यासाठी शिरपूर फर्स्ट च्या पदाधिकाऱ्यांनी जेव्हा धुळे भारतीय राष्ट्रीय राजमार्ग प्राधिकरण चे डायरेक्टर यांची भेट घेतली, तेव्हा अधिकाऱ्यांकडून असे कळाले की, आम्ही हे काम करत नाही, हे काम स्थानिक टोल प्रशासन करतात किंवा निवेदन द्यायचे असेल तर ते केंद्रीय रस्ते वाहतूक मंत्री नितीन गडकरी यांना जाऊन द्यावे.
यावेळी शिरपूर फास्ट समन्वयक हंसराज चौधरी यांनी सांगितले की ' जर शिरपूर ते धुळे येण्यासाठी 205 रुपये टोल मोजावे लागत असेल तर नितीन गडकरी यांच्यापर्यंत जाण्यासाठी आम्हाला अजून किती टोल मोजावे लागेल, आत्ता आमच्याकडे पैसे नाहीत शिरपूर व सोनगीर टोलने आमच्या अंगावरचे कपडे देखील काढून घेतले आहेत, तर नितीन गडकरी यांनी आम्हाला त्यांच्यापर्यंत येण्यासाठी खर्च द्यावा जेणेकरून आमच्या सामान्य जनतेचा प्रश्न मार्गी लागेल.'
जेव्हा कोणी नागरिक सोनगीर टोल येथे आपली तक्रार नोंदवण्यासाठी जातो त्याला हिनावलं जातं, वेळोवेळी हे टोल प्रशासन जनतेची आर्थिक मानसिक शारीरिक छळ करत आहे. जर सोनगीर टोल हा नियमांमध्ये बसत नाही तर याला बंद करावे, शिरपूर टोलवर स्थानिकांचे आधार कार्ड बघून टोल माफ करावा, सोनगीर टोल येथील अधिकारी व कर्मचारी धमक्या देतात यांची चौकशी करा. असे शिरपूर फर्स्टने आपल्या निवेनात म्हंटले आहे.
यावेळी शिरपूर फर्स्टचे पंकज मराठे, कल्पेश राजपूत, हंसराज चौधरी व कार्यकर्ते उपस्थित होते..