नंदुरबार जिल्हा पोलीस दलाकडून विशेष मोहिमेअंतर्गत अवैध बाबींविरुध्द करण्यात आलेली कामगिरी..!!
नंदुरबार जिल्हा पोलीस दलातर्फे दिनांक 03/01/2024 चे सायंकाळी 08.00 ते दिनांक 11/01/2024 चे सकाळी 06.00 वा. दरम्यान जिल्ह्यात एक आठवडा विशेष मोहिम राबविण्यात होते.
त्या अनुषंगाने मा. पोलीस अधीक्षक, नंदुरबार श्री. श्रवण दत्त. एस. मा. अपर पोलीस अधीक्षक श्री निलेश तांबे यांचे मार्गदर्शनाखाली नंदुरबार जिल्हा पोलीस दलाने जिल्ह्यातील सर्व पोलीस ठाणे हद्दीत विशेष मोहिम राबविणेबाबत नियोजन केले,
सदर विशेष मोहिमे दरम्यान अवैध बेकायदेशीर बाबींवर कडक कायदेशीर कारवाई करणे बाबतच्या सुचना पोलीस अधीक्षक श्री. श्रवण दत्त. एस यांनी सर्व उप-विभागीय पोलीस अधिकारी,स्थानिक गुन्हे अन्वेषण शाखा व सर्व पोलीस ठाणे प्रभारी अधिकारी यांना दिल्या होत्या. त्यानुसार एक आठवडयाचे विशेष मोहिमेअंतर्गत संपूर्ण जिल्हयात सर्व उपविभागीय अधिकारी कार्यालय, स्थानिक गुन्हे शाखा तसेच सर्व पोलीस ठाणे यांचे मार्फतीनेकरण्यात आलेली कारवाई खालील प्रमाणे-
महाराष्ट्र जुगार प्रतिबंध अधिनियमांतर्गत अवैध जुगाराचे विरुध्द एकूण 104 कारवाया करण्यात आल्या असुन त्यामध्ये एकूण 03,04,400/- रु. किमतीचा मुद्देमाल जप्त करण्यात आला आहे.
महाराष्ट्र दारुबंदी अधिनियमांतर्गत अवैधरित्या दारुची विक्री व वाहतुक करणा-यांविरुध्द एकूण 231 कारवाया करण्यात आले असून त्यामध्ये एकूण 64,20,708/- रु. किमतीचा मुद्देमाल जप्त करण्यात आला आहे.
प्रतिबंधित पानमसाला सुगंधित तंबाखू, गुटख्याचे बेकायदेशीर विक्री व साठा करणाऱ्यांविरुध्द एकूण 06 कारवाया करण्यात आले असून त्यामध्ये एकूण 03,89,950/- रु. किमतीचा मुद्देमाल जप्त करण्यात आला आहे.
महाराष्ट्र प्राणी संरक्षण अधिनियमांतर्गत एकूण 02 कारवाई करण्यात आले असून त्यामध्ये एकूण 17 गोवंश हे गोशाळेचे ताब्यात देण्यात आले आहे.
• अंमली पदार्थाचे सेवन व विक्री करणा-यांविरुध्द NDPS कायदयांतर्गत गांजाची 01 केस करण्यात आली असून त्यामध्ये एकूण 03,52,380/- रु. किमतीचा मुद्देमाल जप्त करण्यात आला आहे.
तसेच यापुढे देखील अवैध धंदयांवर जिल्हयात वेळोवेळी कडक कारवाई करण्याचे संपूर्ण जिल्हा पोलीस दलास पोलीस अधीक्षक श्री. श्रवण दत्त. एस यांनी सक्त सुचना दिल्या आहेत.
अवैध बेकायदेशीर बाबींविषयी कुठल्याही प्रकारची माहीती सामान्य नागरिकांना अवगत असल्यास ते कळविण्याचे आव्हाहन पोलीस अधीक्षक श्री. श्रवण दत्त एस यांनी नंदुरबार जिल्हावासियांना केले आहे.