फक्त स्कूल बसला मिळणार करात शंभर टक्के सवलत

धुळे, दि. 21 (जिमाका वृत्तसेवा) : शालेय प्राधिकरणाच्या मालकीच्या आणि केवळ स्कूल बस म्हणून वापरण्यात येणाऱ्या स्कूल बस, शालेय प्राधिकरणाने कंत्राटी पद्धतीने घेतलेल्या आणि केवळ स्कूल बस म्हणून वापरण्यात येणाऱ्या स्कूल बस, केवळ शाळेतील मुलांची ने- आण करण्यासाठी शालेय प्राधिकरणाव्यतिरिक्त इतरांची मालकी असलेल्या किंवा कंत्राटी पद्धतीने घेतलेल्या स्कूल बसला शासनाने महाराष्ट्र मोटार वाहन कर अधिनियमामधील तरतुदीन्वये दिलेल्या अधिकाराचा वापर करून 1 एप्रिल 2020 ते 31 मार्च 2022 या कालावधीत करामध्ये शंभर टक्के सूट दिली आहे, असे प्रादेशिक परिवहन अधिकारी डॉ. एस. टी. अल्वारीस यांनी प्रसिध्दीस दिलेल्या शासकीय पत्रकान्वये कळविले आहे.