जिल्हा परिषद शाळेतील मुलांनी लुटला पावनखिंड चित्रपटाचा आनंद प्रतिनिधी दत्ता पारेकर

पुणे: इंदापूर तालुक्यातील वनगळी पारेकरवस्ती येथील विद्यार्थ्यांनी इंदापूर येथील राहुल चित्रपटगृहात जाऊन पावनखिंड या चित्रपटाचा आनंद लुटला. पारेकरवस्ती येथील शाळेचे मुख्याध्यापक श्री संतोष घोडके सर व सहशिक्षिका सविता पवार मॅडम यांनी मुलांना महाराष्ट्रातील  शिवकालीन इतिहासाबद्दल माहिती व्हावी यासाठी हा चित्रपट दाखवण्याचे ठरवले.यासाठी शाळा व्यवस्थापन समितीचे अध्यक्ष श्री.दत्तात्रय नागनाथ पारेकर व सर्व सदस्यांनी मोलाचे सहकार्य केले. पालकांनीही उत्स्फूर्त प्रतिसाद दिला.श्री संतोष घोडके सर यांच्यावतीने सर्व मुलांना अल्पोपहार देण्यात आला. मुलांना चित्रपटगृहापर्यंत सोडणे व नंतर शाळेत पोहोच करणे याची व्यवस्था श्री. रघुनाथ महादेव पारेकर यांनी केली.चित्रपट पाहिल्यानंतर मुलांच्या चेहऱ्यावर आनंद ओसंडून वाहत होता. पालकांनीही ही संधी मुलांना उपलब्ध करून दिल्याबद्दल शिक्षकांचे आभार मानले.