जेसीबी चालकाच्या दुर्लक्षामुळे ट्रॉलीत बसलेल्या व्यक्ती चा मृत्यू नांदुरा तालुक्यातील घटना मलकापूर - उमेश ईटणारे

टिप्परच्या ट्रॉलीत बसलेल्या व्यक्तीकडे दुर्लक्ष करत चालकाने जेसीबीने माती भरली . यात ट्रॉलीत बसलेला व्यक्ती मातीखाली दबून मृत्यूमुखी पडल्याची विचित्र घटना ६ फेब्रुवारीला दुपारी तीनच्या सुमारास नारखेड ( ता . नांदुरा ) शिवारातील इंगळे यांच्या वीट भट्टी परिसरात घडली .

कैलास रमेश धरमकार ( ३८ , रा . इच्छापूर ) असे मृतकाचे नाव आहे . मारोती गोपाळ धरमकार ( ५० , रा . गोपाळनगर खामगाव ) यांनी नांदुरा पोलीस ठाण्यात टिप्पर आणि जेसीबी चालकाविरुद्ध तक्रार दिली . काल , ६ फेब्रुवारीला त्यांचा पुतण्या कैलास हा टिप्परमध्ये ( क्र . एमएच २८ बीबी ४२ ९९ ) इच्छापूरला जाण्यासाठी बसला होता .इच्छापूरला गेल्यानंतर जेसीबी चालक देविदास ( पूर्ण नाव कळू शकले नाही . ) याने जेसीबीच्या सहाय्याने टिप्परमध्ये माती भरली . पण ट्रॉलीत कोणी आहे किंवा नाही , याची खात्री त्याने केली नाही . टिप्परचालक गजानन सुरेश धोटे ( रा . निमगाव ) यानेही त्याला काही सांगितले नाही . त्यामुळे मातीखाली दबून कैलासचा मृत्यू झाला होता . या विचित्र घटनेचा तपास पोलीस नाईक गजानन इंगळे करत आहेत .