शिरपूर : माजी मंत्री आमदार अमरिशभाई पटेल, आमदार काशिराम पावरा, उपनगराध्यक्ष भूपेशभाई पटेल, उद्योगपती चिंतनभाई पटेल यांच्या प्रयत्नाने शिरपूर शहरातील क्रांतीनगर येथील राजेंद्र भास्कर बारी (वय 30 वर्षे) याच्यावर यशस्वी शस्त्रक्रिया करण्यात आली.
राजेंद्र बारी यांचे वडील मयत झाले आहेत. आई, नातेवाईक मंडळी व मित्रमंडळी यांनी पटेल परिवाराची प्रत्यक्ष भेट देऊन समाधान व्यक्त केले. राजेंद्र बारी यांचे एकूण पाच लोकांचे कुटुंब आहे. घरात वृद्ध आई, भाऊ, मोठ्या वहिणी, पत्नी, एक मुलगी आहे. गरिबीची परिस्थिती व कॉन्ट्रॅक्ट बेसवर काम करतात. वर्षभरापूर्वी विजेच्या पोलवर काम करत असताना त्यांचा अपघात झाला होता. पाय घसरून ते खाली पडले, त्यामुळे उजवा सोल्डर मध्ये दुखापत झाली स्थानिक डॉक्टरांना दाखवले असता त्यांनी एक्स-रे काढला व काही तपासण्या केल्या. त्यांनी सांगितले की तुमच्या सोल्डर मध्ये रक्तवाहिनी फाटलेली आहे तरी तिचे ऑपरेशन अतिशय क्रिटिकल, गुंतागुंतीचे व खर्चिक आहे, ऑपरेशन करावे लागेल, त्यासाठी दीड ते दोन लाख रुपये खर्च येईल तसेच मुंबई किंवा नाशिक येथे शस्त्रक्रिया होईल असे सांगितले. परंतु, आर्थिक परिस्थिती अतिशय हलाखीची असल्याने शस्त्रक्रिया करू शकत नव्हते. रुग्णाचे मित्र विनय माळी, आनंद बिडकर, दिनेश माळी हे उपनगराध्यक्ष भूपेशभाई पटेल यांचे स्वीय सहाय्यक सुनील जैन यांना भेटले व सर्व हकिगत सांगितली. त्यांनी लगेच उपनगराध्यक्ष भूपेशभाई पटेल यांच्याशी भेट घालून दिली व पेशंटला मदत करण्याबाबत विनंती केली. भूपेशभाई पटेल यांनी रुग्णसेवक दिलीप माळी यांना पेशंट राजेंद्र बारी याला मुंबई येथे नामांकित हॉस्पिटल मध्ये दाखल करण्याची सूचना केली.
