शिरपूर : प्लास्टिक कॅरी बॅग वापरू नका असे आवाहन शिरपूर वरवाडे नगर परिषदेचे मुख्याधिकारी तुषार नेरकर यांनी केले आहे.
शिरपूर शहरातील व्यापारी, व्यावसायिक दुकानदार व नागरिक यांनी कोणत्याही प्रकारच्या प्लास्टिक कॅरीबॅग वापरू नये. पर्यावरण संरक्षण अधिनियम 1980 अन्वये प्लास्टिक कचरा व्यवस्थापन नियम 2006 अन्वये व शासन आदेशानुसार 30 सप्टेंबर 2021 पासून 75 मायक्रोन पेक्षा कमी जाडीच्या व 31 डिसेंबर 2022 पासून 120 मायक्रोन पेक्षा कमी जाडीच्या प्लास्टिक कॅरीबॅग वर बंदी घालण्यात आली आहे.
शिरपूर शहरातील व्यापारी, व्यावसायिक दुकानदार व नागरिक असे प्लास्टिक कॅरीबॅग वापरताना आढळून आल्यास त्यांच्यावर प्लास्टिक कचरा अधिनियम 2016 अन्वये कायदेशीर कारवाई करण्यात येईल असे नगरपरिषदेचे मुख्याधिकारी तुषार नेरकर यांनी जाहीर आवाहन केले आहे.
