हस्तीचे कब मास्टर नरेश सावंत यांचे ' असि. लिडर ट्रेनर ' प्रशिक्षण यशस्वीरित्या पूर्ण

(प्रभाकर आडगाळे )

*दोंडाईचा वि.प्र.* हस्ती चॅरिटेबल ट्रस्ट संचलीत हस्ती पब्लिक स्कूल अँड ज्यु. कॉलेज, दोंडाईचा येथील कब मास्टर नरेश सावंत यांनी ' असि. लिडर ट्रेनर ' प्रशिक्षण यशस्वीरित्या पूर्ण केला. सदर प्रशिक्षण कोर्सचे आयोजन दि. २ते ८मार्च २०२१ दरम्यान नॅशनल ट्रेनिंग सेंटर, पंचमढी - मध्यप्रदेश येथे भारत स्काऊट गाईड संघटनेतर्फे करण्यात आले होते.

या प्रशिक्षणात संपूर्ण भारतातून वेगवेगळ्या राज्यातील ६५ कब व स्काउट मास्टर सहभागी झाले होते. यात महाराष्ट्रातून धुळे जिल्ह्यातील हस्ती स्कूलचे कब मास्टर नरेश सावंत यांची ' कब असि. लिडर ट्रेनर प्रशिक्षणासाठी व अन्य शाळेतील एका शिक्षकाची स्काऊट असि. लिडर ट्रेनर प्रशिक्षणासाठी  निवड करण्यात आली होती. कब मास्टर नरेश सावंत यांनी या प्रशिक्षणात कब मास्टर बेसिक व प्रगत प्रशिक्षणासाठी महाराष्ट्रातील शिक्षकांना मार्गदर्शन करणे, निसर्ग निवास शिबीर व स्काऊट गाईड उपक्रम आणि कार्यक्रम यांचे नियोजन करणे याबाबतचे प्रशिक्षण यशस्वीरित्या पूर्ण केले.

विशेषत: हस्तीचे कब मास्टर नरेश सावंत यांनी धुळे, नंदुरबार व जळगाव या जिल्ह्यांमधील ' एकमेव कब असि. लिडर ट्रेनर ' असल्याचा बहुमान प्राप्त केला आहे!

नरेश सावंत हे गेल्या पाच वर्षापासून हस्ती स्कूल येथे सेवारत आहेत. ते सातत्याने स्काऊट गाईड चळवळ विद्यार्थ्यांमध्ये रूजावी; यासाठी चळवळीचे विविध उपक्रम व प्रशिक्षण शिबीरांमध्ये विद्यार्थ्यांना सहभागी होणेस प्रोत्साहित करून मार्गदर्शनही करतात.  तसेच सावंत यांनी आपल्या मालपूर गावी युवकांमध्ये राष्ट्रप्रेम व देशभक्ती जागरूकतेसाठी  ' युवा बाँर्डर गृप ' स्थापन केला आहे. या गृपतर्फे विविध देशभक्तीपर कार्यक्रमांचे आयोजन केले जाते.

हस्तीचे कब मास्टर नरेश सावंत यांनी ' कब असि. लिडर ट्रेनर ' प्रशिक्षण यशस्वीरित्या पूर्ण केले. यास्तव त्यांचे हस्ती स्कूल शालेय समिती चेअरमन कैलास जैन, समिती सदस्य डॉ. विजय नामजोशी तसेच प्राचार्य हरिकृष्ण निगम व स्काऊट गाईड विभाग प्रमुख किशोर गुरव सोबतच शिक्षक शिक्षकेतर कर्मचारी वृंद यांनी अभिनंदन केले.