मास्क न वापरणाऱ्यांवर कारवाई करा - जिल्हाधिकारी संजय यादव

धुळे जिल्ह्यात कोरोना विषाणूचे रुग्ण आढळून येत आहेत. या विषाणूचा प्रादुर्भाव रोखण्यासाठी तूर्तास प्रतिबंधात्मक उपाययोजना महत्वाच्या आहेत. त्यात वेळोवेळी साबण किंवा सॅनेटायझरने हात धुणे, मास्कचा नियमितपणे वापर करणे आवश्यक आहे. असे असताना अनेकजण मास्क वापरताना दिसून येत नाहीत. ही चिंतेची बाब आहे. या पार्श्वभूमीवर महानगरपालिका आणि पोलिस प्रशासनाने मास्क न वापरणाऱ्यांविरुध्द कडक कारवाईसाठी मोहीम सुरू करावी. अन्यथा माझ्यासह महानगरपालिका आयुक्त, पोलिस अधीक्षक रस्त्यावर उतरून मास्क न वापरणाऱ्यांवर कारवाई करतील, असेही जिल्हाधिकारी श्री. यादव यांनी सांगितले. आयुक्त श्री. शेख म्हणाले, की विना मास्क फिरणाऱ्या नागरिकांची रॅपिड अँटिजेन चाचणी करण्यात येत आहे. ज्या भागात सर्वाधिक विना मास्क नागरिक आढळून येतील त्या भागातील अधिकारी व कर्मचाऱ्यांवर जबाबदारी निश्चित करण्यात येईल, असेही त्यांनी सांगितले.