धुळे, दि. 28 (जिमाका वृत्तसेवा) : वीज कंपनीने ग्राहकांच्या समस्या,
प्रश्न सोडविण्यासाठी मदत कक्ष कार्यान्वित करावा.
परिषदेत मांडण्यात आलेल्या विविध सूचनांची दखल घेत त्यांचा जिल्हा पुरवठा अधिकाऱ्यांनी पाठपुरावा करीत वेळोवेळी आढावा घ्यावा,
असे निर्देश अपर जिल्हाधिकारी दिलीप जगदाळे यांनी दिले आहेत.
जिल्हाधिकारी कार्यालयातील सातपुडा सभागृहात आज दुपारी धुळे जिल्हा ग्राहक संरक्षण परिषदेची बैठक आयोजित करण्यात आली होती. त्यावेळी ते अध्यक्षस्थानावरून बोलत होते.
यावेळी जिल्हा पुरवठा अधिकारी रमेश मिसाळ, उपविभागीय पोलिस अधिकारी कुबेर चौरे,
महानगरपालिकेचे सहाय्यक आयुक्त तुषार नेरकर, अतिरिक्त जिल्हा आरोग्य अधिकारी डॉ. मनीष पाटील,
अन्न व औषध प्रशासनाचे सहाय्यक आयुक्त विजय जाधव यांच्यासह विविध विभागांचे प्रमुख, ग्राहक संरक्षण परिषदेचे सदस्य उपस्थित होते.
अपर जिल्हाधिकारी श्री.
जगदाळे म्हणाले,
ग्राहक संरक्षण परिषदेत सदस्यांनी वीज कंपनीविषयी विविध प्रश्न मांडले आहेत.
संबंधित अधिकाऱ्यांनी पुढील बैठकीपर्यंत या प्रश्नांची सोडवणूक करून अहवाल सादर करावा.
प्रधानमंत्री किसान सन्मान योजनेच्या लाभार्थ्यांच्या नावातील त्रुटी दूर करण्यासाठी कृषी विभागाने उपविभागीय अधिकारी व संबंधित तालुक्यातील तहसीलदारांच्या समन्वयातून त्रुटींची पूर्तता करावी.
उपप्रादेशिक परिवहन विभागाने रुग्ण वाहिकांवरील हॉर्नच्या आवाजाचा आढावा घेवून रुग्ण वाहिका चालकांचे समुपदेशन करावे.