शिरपूर - शिरपूर शहरात साठी आज देखील कोरोना ने दस्तक दिली असून शिरपूर येथील दोन महिला रूग्णांचे अहवाल पॉजीटीव्ह आले आहेत. बाधीत रूग्णाच्या ३८ वर्षीय पत्नी व ६० वर्षीय महिलेला कोरोनाची लागण झाली आहे. त्यापैकी ६० वर्षीय महिलेची प्रकृती गंभीर असून अतिदक्षता विभागात त्यांच्यावर उपचार सुरू आहेत. दरम्यान , जिल्ह्यातील एकूण पॉजीटीव्ह रूग्णांची संख्या १३४ इतकी झाली आहे.
शिरपूर शहराची रुग्णसंख्या 17 तर तालुक्याची एकूण रुग्णसंख्या 23 झाली आहे. सर्व उपाय योजना करून देखील बाहेर च्या संपर्कामुळे शिरपूर तालुक्यात कोरोना ने प्रवेश केला असून शहरात कोरोना चा वाढता प्रसार प्रशासना साठी डोके दुःखी ठरत आहे. शहरात काल पासून जनता करफू लागू करण्यात आला आहे मात्र मागील कोरोना रुग्णांच्या संपर्कात आलेल्या मूळे शहरात कोरोना रुग्ण वाढत आहेत. आणि हा शहरात चिंतेचा विषय झाला आहे.