शिरपूर प्रतिनिधी - शिरपूर वरवाडे नगर परिषद यांचे कडून शिरपूर शहरातील सर्व नागरिकांसाठी जाहीर आवाहन करण्यात आले आहे की , माननीय जिल्हा अधिकारी सो. धुळे यांच्या आदेशानुसार कोरोना विषाणूचा प्रादुर्भाव रोखण्यासाठी प्रतिबंधक उपाययोजना म्हणून शिरपूर शहरातील अभ्यासिका , लग्न व अन्य समारंभाचे सभागृह , शैक्षणिक संस्थांचे मैदाने व रहिवासी वास्तूतील मैदाने , लॉन्स , हॉटेल , मधील अथवा अन्य वस्तू मधील मंगल कार्यालय , कम्युनिटी सेंटर , पानपट्टी , कॉफी , ज्युस सेंटर , सर्व हॉटेल , परमिट रूम , बिअर बार , उद्यान , संग्रहालय , ऑनलाईन लॉटरी सेंटर , प्रशिक्षण सेंटर , आठवडे बाजार , इ. दि. ३१ मार्च पर्यंत बंद करण्यात येत आहे . यात जीवणावश्यक वस्तू किराणा माल , मेडिकल स्टोअर , दूध आणि भाजीपाला यांना वगळण्यात आले आहे तसेच नागरिकांना अनावश्यक सार्वजनिक ठिकाणी विहित कारणाशिवाय येण्यास मनाई आहे . या आदेशाचे उल्लंघन करतांना व्यक्ती संस्था अथवा संघटना महाराष्ट्र उपाययोजना नियम २०२० चे कलंक २१ नुसार भारतीय दंड सहीता ४५ चे १८६० , कलंक १८८ मधील तरतुदीनुसार दंडनीय तसेच कायदेशीर कार्यवाही साठी पात्र राहील . तरी याची सर्व नागरिकांनी गांभीर्याने नोंद घ्यावी .
जाहीर आवाहन ......
तसेच शिरपूर वरवाडे नगरपरिषद हद्दीतील नागरिकांना आवाहन करण्यात येते की .. कोरोना विषाणू च्या प्रसाराला रोखण्यासाठी गर्दी टाळणे हा सर्वाधिक प्रभावी उपाय असल्याने व शासन स्तरावर वेळोवेळी येणाऱ्या आदेशांची अंमलबजावणी करणे कामी , शिरपूर वरवाडे नगरपरिषदेने नागरिकांना कराचा भरणा जन्म-मृत्यू दाखले व इतर अर्ज हे नागरिकांकडून नगरपालिका कार्यालयाच्या इमारतीच्या बाहेरील बाजूस खिडकीतून स्वीकारण्यास येते .व दर्शनी गेटमधून एक वेळेस एकाच व्यक्तीला प्रवेश असेल . तसेच नागरिकांची काही तक्रार असेल तर एकाच नागरिकास प्रवेश देऊन तक्रार खिडकीतून स्वीकारण्यात येईल व तक्रारींचे निराकरण केले जाईल याची नागरिकांनी निवड घ्यावी .