पनवेल: अभिनेत्री शबाना आझमी यांच्या कारला मुंबई-पुणे एक्स्प्रेस वेवर खालापूर टोलनाक्याजवळ भीषण अपघात झाला असून अपघातात शबाना गंभीररित्या जखमी झाल्या आहेत. शबाना यांना तातडीने रुग्णालयात दाखल करण्यात आले असल्याचे सांगण्यात आले.
मुंबई-पुणे एक्स्प्रेस वेवर खालापूर टोलनाक्याजवळ हा अपघात झाला. अपघातानंतर लगेचच शबाना यांना कळंबोली येथील महात्मा गांधी रुग्णालयात (एमजीएम) दाखल करण्यात आले आहे. शबाना यांच्यासोबत कारमध्ये त्यांचे पती व गीतकार जावेद अख्तरही होते. मात्र अपघातात त्यांना कोणताही इजा झालेली नाही, असे सांगण्यात आले.
शबाना यांच्या कारची ट्रकवर मागून धडक बसल्याने हा अपघात झाला. अपघातात कारच्या पुढील भागाचा चक्काचूर झाला आहे.