शिरपूर शहर पोलिसांची कारवाई: घरफोडी करणारा आरोपी जेरबंद, चांदीचे दागिने व रोख ४०,००० रुपये जप्त!
शिरपूर / प्रतिनिधी -
शिरपूर शहर पोलीस स्टेशनच्या डी.बी. पथकाने उल्लेखनीय गुप्त माहितीच्या आधारे एक मोठी घरफोडी प्रकरणाची उकल करत टेकवाडे गावातील आरोपीस अटक केली असून त्याच्याकडून ३०,०००/- रुपये किमतीचे चांदीचे दागिने आणि १०,०००/- रुपये रोख रक्कम असा एकूण ४०,०००/- रुपयांचा मुद्देमाल हस्तगत करण्यात आला आहे.
प्रविण पोपट वाडीले (रा. टेकवाडे, ता. शिरपूर) यांनी दिलेल्या फिर्यादीनुसार, ६ जुलै ते ८ जुलै २०२४ या कालावधीत त्यांच्या अनुपस्थितीत घराचे कुलूप तोडून चोरट्याने ३,०००/- किमतीचे सोन्या-चांदीचे दागिने आणि १०,०००/- रुपये रोख रक्कम असा मुद्देमाल चोरला होता. यावरुन शिरपूर शहर पोलीस ठाण्यात गु.र.नं. ६२८/२०२४ नुसार घरफोडीचा गुन्हा दाखल करण्यात आला होता.
दि. ४ जुलै २०२५ रोजी पोलीस निरीक्षक किशोरकुमार परदेशी यांना मिळालेल्या गुप्त माहितीवरून डी.बी. पथकाने सराफ बाजार परिसरात सापळा रचत संशयित दीपक रमेश कोळी (वय ३६, रा. टेकवाडे) याला पकडले. चौकशीत त्याने गुन्ह्याची कबुली दिली. त्याच्याकडून चांदीचे दोन पंजण (किंमत १६,०००/- रुपये), एक ब्रेसलेट (किंमत १४,०००/- रुपये) व १०,०००/- रुपये रोख रक्कम जप्त करण्यात आली.
अटक करण्यात आलेल्या आरोपीकडून घरफोडीत चोरी गेलेल्या एकूण ४०,०००/- रुपयांचा मुद्देमाल हस्तगत करण्यात पोलिसांना यश आले आहे. पुढील तपास पोहेकॉ मनोज पाटील करीत आहेत.
ही उल्लेखनीय कारवाई पोलीस अधीक्षक श्री. श्रीकांत धिवरे, अपर पोलीस अधीक्षक श्री. किशोर काळे, उपविभागीय पोलीस अधिकारी श्री. सुनील गोसावी यांच्या मार्गदर्शनाखाली, पोलीस निरीक्षक किशोरकुमार परदेशी यांच्या नेतृत्वाखाली पो.हेकॉ रवींद्र रोकडे, रविंद्र आखडमल, पवन ईशी, मनोज पाटील, पोकॉ योगेश दाभाडे, गोविंद कोळी, प्रशांत पवार, मनोज महाजन, सचिन वाघ, आरीफ तडवी आदींनी केली.