पाकिस्तानातील दहशतवादी तळांवर भारताचा जोरदार हल्ला: पहलगाम हल्ल्याचा बदला घेतला
नवी दिल्ली | प्रतिनिधी
काल रात्री भारतीय लष्कराने नियंत्रण रेषेच्या पलीकडे जाऊन पाकिस्तानातील दहशतवादी स्थळांवर लक्षवेधी हवाई हल्ले करत पहलगाम येथे झालेल्या भ्याड दहशतवादी हल्ल्याचा बदला घेतला आहे. या कारवाईमध्ये जैश-ए-मोहम्मद आणि लश्कर-ए-तैयबा या संघटनांच्या प्रशिक्षण शिबिरांवर निशाणा साधण्यात आला. प्रारंभिक माहितीनुसार, या कारवाईत ५० हून अधिक दहशतवाद्यांचा खात्मा झाला आहे.
मिळालेल्या माहितीनुसार, ही कारवाई काल रात्री १ वाजण्याच्या सुमारास झाली. भारतीय वायूदलाच्या मि लढाऊ विमानांनी आणि मिसाईल यांनी पाकिस्तानच्या नऊ आतंकवादी केंद्रांवर परिसरात दहशतवाद्यांचे अड्डे उद्ध्वस्त केले. या कारवाईसाठी गुप्तचर यंत्रणांकडून अचूक माहिती मिळाल्यानंतरच नियोजनबद्ध पद्धतीने हल्ला पार पाडण्यात आला.
काही दिवसांपूर्वी काश्मीरमधील पहलगाम पाकिस्तानी आतंकवादी यांनी हिंदू पर्यटकांना टार्गेट करत 28 पर्यटकांची निर्गुण हत्या केली होती.
या कारवाईनंतर पंतप्रधान नरेंद्र मोदींनी ट्वीट करत म्हटले, “शहीदांचा सूड घेतला गेला आहे. भारताच्या सुरक्षेला आव्हान देणाऱ्यांना आता कठोर संदेश मिळेल.”
या कारवाईवर विरोधकांनी संमिश्र प्रतिक्रिया दिल्या आहेत. काँग्रेस नेते मल्लिकार्जुन खरगे यांनी पत्रकार परिषदेत म्हटले, “देशाच्या सुरक्षेसाठी आम्ही सरकारसोबत आहोत, परंतु अशा कारवायांचे राजकारण होऊ नये.”
तृणमूल काँग्रेसच्या ममता बॅनर्जी यांनीही हल्ल्याचे समर्थन करत, “दहशतवाद्यांना चोख प्रत्युत्तर आवश्यकच आहे, परंतु दीर्घकालीन धोरणही हवे,” असे सांगितले.
तर आपचे अरविंद केजरीवाल म्हणाले, “हे केवळ सूड नव्हे तर भारताच्या सुरक्षिततेचा भाग आहे. लष्कराचे आम्ही अभिनंदन करतो.”
अमेरिका आणि फ्रान्स यांनी भारताच्या आत्मसंरक्षणाच्या अधिकाराचे समर्थन करत दहशतवादाविरोधात कठोर पावले उचलण्याचे महत्त्व अधोरेखित केले आहे.
दरम्यान, पाकिस्तान सरकारने भारतीय लष्कराच्या हल्ल्याचे वृत्त फेटाळले असून हा केवळ प्रचार असल्याचा दावा केला आहे. मात्र, सोशल मीडियावर पाकिस्तानातील नागरिकांनी काही स्फोटांचे व्हिडिओ शेअर केल्यामुळे या दाव्यांवर प्रश्न उपस्थित होत आहेत.
भारतीय लष्कराची ही कारवाई केवळ बदला नसून देशाच्या सुरक्षिततेसाठीचा निर्णायक पाऊल मानले जात आहे. येत्या काही दिवसांत भारत-पाकिस्तान संबंध पुन्हा एकदा तणावपूर्ण होण्याची शक्यता वर्तवली जात आहे.