वीज मंडळाचा वरिष्ठ तंत्रज्ञ लाच घेताना रंगेहात अटक
शिरपूर प्रतिनिधी - महाराष्ट्र राज्य विद्युत वीज वितरण कंपनी चे वरिष्ठ तंत्रज्ञ हे लाज घेताना सापडल्याने धुळे लाच लुचपत प्रतिबंधक विभागाने त्यांना रंगेहात अटक केली आहे. या प्रकरणात आरोपी जितेंद्र वसंत धोबी, वरिष्ठ तंत्रज्ञ, म.रा.वि.वि. कंपनी मर्या. उपविभाग शिरपुर यांनी तक्रारदार यांचेकडुन ५००/- रुपये लाचेची मागणी करुन तडजोडीअंती ४००/- रुपये स्विकारण्याचे मान्य करुन सदर लाचेची रक्कम स्वतः स्विकारतांना त्यांना रंगेहात पकडले आहे.
तक्रारदार हे शिरपुर येथील रहिवासी असुन मौजे वरवाडे शिरपुर येथे त्यांचे घराचे बांधकाम सुरु असुन सदर ठिकाणी तक्रारदार यांच्या घराच्या विज पुरवठयाच्या वायरचा अडथळा येत असल्याने सदरची वायर दुसऱ्या खांब्यावरुन जोडुन मिळणेकरीता तक्रारदार यांनी म.रा.वि.वि. कंपनी उपविभाग, शिरपुर कार्यालयात जावुन वरिष्ठ तंत्रज्ञ जितेंद्र धोबी यांची भेट घेवुन त्यांना त्यांच्या विज पुरवठयाची वायर दुसऱ्या खांब्यावरुन जोडुन देणेबाबत विनंती केली असता त्यांनी दुसऱ्या खांब्यावरुन वायर जोडुन देण्याच्या मोबदल्यात तक्रारदार यांच्याकडे ५००/- रुपये लाचेची मागणी केल्याने तक्रारदार यांनी दि. ०८.०१.२०२५ रोजी दुरध्वनी व्दारे ला.प्र. विभाग धुळे कार्यालयास माहिती दिली होती.
त्यावरुन ला.प्र.वि. धुळे विभागाच्या पथकाने दि.०९.०१.२०२५ रोजी शिरपुर येथे जावुन तकारदार यांची तक्रार नोंदवुन सदर तक्रारीची पंचांसमक्ष पडताळणी केली असता वरिष्ठ तंत्रज्ञ जितेंद्र धोबी यांनी तक्रारदार यांच्याकडे तडजोडीअंती ४००/- रुपये लाचेची मागणी करुन दिनांक १०.०१.२०२५ रोजी सदर लाचेची रक्कम स्वतः स्विकारतांना त्यांना रंगेहात पकडण्यात आले असुन त्यांचेविरुध्द शिरपुर शहर पोलीस स्टेशन येथे भ्रष्टाचार प्रतिबंध अधिनियम कलमान्वये गुन्हा दाखल करण्याचे काम सुरु आहे.
सदरची कारवाई लाचलुचपत प्रतिबंधक धुळे विभागाचे पोलीस उप अधीक्षक सचिन साळुंखे, पोलीस निरीक्षक रुपाली खांडवी, पोलीस निरीक्षक पंकज शिंदे तसेच पथकातील राजन कदम, मुकेश अहिरे, प्रविण मोरे, मकरंद पाटील, प्रविण पाटील, रामदास बारेला, सुधीर मोरे, जगदीश बडगुजर यांनी नाशिक लाचलुचपत प्रतिबंधक विभाग, नाशिक परिक्षेत्राच्या पोलीस अधीक्षक श्रीमती शर्मिष्ठा घारगे वालावलकर यांच्या मार्गदर्शना खाली करण्यात आली असुन गुन्हयाचा पुढील तपास सुरु आहे.