पाण्याच्या मोटरी व बांधकामाचे साहित्य चोरी करणारे अट्टल चोरटे स्थानिक गुन्हे शाखेकडून जेरबंद

पाण्याच्या मोटरी व बांधकामाचे साहित्य चोरी करणारे अट्टल चोरटे स्थानिक गुन्हे शाखेकडून जेरबंद

धुळे - धुळे शहर व परिसरात बांधकाम साहित्य चोरी करणारे अट्टल चोरट्यांना स्थानिक गुन्हे शाखेने अटक करून जेरबंद केले आहे.

दिनांक 23/07/2024 रोजी फिर्यादी सुरज झीनत मल्लाह यांची इंद्रप्रस्थ कॉलनी समाधान हॉटेल समोर गोंदुर रोड देवपुर धुळे येथील बांधकामाच्या साईटवरुन बांधकामाचे साहित्य अज्ञात चोरटयाने चोरुन नेले वरुन पश्चिम देवपुर पोलीस स्टेशन येथे भाग-5 गु.र.नं.231/2024 बी.एन.एस क.303(2) प्रमाणे गुन्हा दाखल आहे.

सदर गुन्हयाचा स्थानिक गुन्हे शाखेकडून समांतर तपास सुरु असतांना दि.23/07/2024 रोजी पोलीस निरीक्षक श्रीराम पवार, नेमणुक स्थानिक गुन्हे शाखा, धुळे यांना प्राप्त गोपनीय माहिती आधारे, आकाश ऊर्फ सोनु बबन ठाकरे, रा.इंदिरानगर, वाडीभोकर रोड, धुळे याने त्याचे साथीदार यांनी केल्याची खात्री झाल्याने, (1) आकाश ऊर्फ सोनू बबन ठाकरे, रा. इंदिरानगर, वाडीभोकर रोड, धुळे व (2) संतोष हिरामण सोनवणे, रा.महिंदळे ता. जि. धुळे अशांना ताब्यात घेवून कसून चौकशी केली असता, त्यांनी सदर गुन्हयाची कबुली देवून गुन्हयात चोरी केलेला मुद्देमाल काढून दिला आहे.

यात आरोपींकडून कटर मशीन ,हॅमर मशीन, राउटर मशीन, टायटर मशीन , वाइंडर मशीन, सेंटिंग ची लोखंडी तार भिंत तोडण्याचे ब्रेकर मशीन, पाण्याच्या मोटर एक मोटर सायकल, वायर इत्यादी साहित्य असा ऐकून 1 लाख 4 हजार रुपये किमतीच्या मुद्देमाल हस्तगत केला आहे.

आरोपी आकाश ऊर्फ सोनु बबन ठाकरे, रा. इंदिरानगर, वाडीभोकर रोड, धुळे याचेविरुध्द यापुर्वी देवपूर पोलीस स्टेशन, पश्चिम देवपूर पोलीस स्टेशन,इगतपुरी (मनमाड रेल्वे) जि.नाशिक रेल्वे पोलीस ठाणे, इत्यादी पोलीस स्टेशनमध्ये विविध गुन्हे दाखल आहेत.

सदरची कामगिरी मा. पोलीस अधीक्षक श्री. श्रीकांत धिवरे, मा. अपर पोलीस अधिक्षक श्री. किशोर काळे यांचे मार्गदर्शनाखाली स्थानिक गुन्हे शाखेचे पोलीस निरीक्षक श्रीराम पवार, सपोनी श्रीकृष्ण पारधी, असई. संजय पाटील, पोहेकॉ. मुकेश वाघ, चेतन बोरसे, संतोष हिरे, पंकज खैरमोडे, प्रशांत चौधरी, पोना. शशिकांत देवरे, पोकों/जितेंद्र वाघ, महेंद्र सपकाळ, हर्षल चौधरी, चापोहेकों/कैलास महाजन व चापोकों/गुलाब पाटील अशांनी केलेली आहे.