वीस हजाराची लाच घेताना मंडळ कृषी अधिकाऱ्याला एसीबी कडून अटक
शहादा प्रतिनिधी सुमित गिरासे
तालुका कृषी अधिकारी कार्यालय नवापूर जिल्हा नंदुरबार येथील सागर अशोक अहिरे, वय ३३ वर्षे, मंडळ कृषी अधिकारी , ( वर्ग 2 ) राहणार साक्री जिल्हा धुळे यांनी तक्रारदार यांच्याकडून 25 हजार रुपये लाचेची मागणी केली होती तडजोड अंति वीस हजार रुपये स्वीकारताना लाचमुख प्रतिबंधक विभाग यांनी त्यांना रंगेहात अटक करून गुन्हा दाखल केला आहे.
याबाबत सविस्तर माहिती असे की तक्रारदार यांचे पत्नीचे नावावर थुवा तालुका नवापूर येथील शेत सर्वे नंबर ९५/१/अ या शेतात मुख्यमंत्री शाश्वत कृषी सिंचन योजनेअंतर्गत वैयक्तिक शेततळे बांधण्याची मंजुरी मिळाली होती.
सदर शेततळ्याच्या अनुदानाची रक्कम मिळवून देण्यासाठी आरोपी लोकसेवक सागर अहिरे, मंडळ कृषी अधिकारी, तालुका कृषी अधिकारी कार्यालय, नवापूर यांनी पंच साक्षीदारा समक्ष तक्रारदार यांचे कडून दिनांक २०/०२/२०२४ रोजी २५,०००/- रुपये लाचेची मागणी करून तडजोडीअंती २०,०००/- रुपये लाचेची मागणी केल्याने यातील आलोसे यांचे विरुद्ध नवापूर पोलीस स्टेशन येथे गुन्हा दाखल करण्यात आला आहे.
सदरची कारवाई .श्रीमती शर्मिष्ठा घारगे-वालावलकर पोलीस अधीक्षक, ला.प्र.वि, नाशिक परीक्षेत्र,नाशिक ,मा .श्री माधव रेड्डी
अपर पोलिस अधीक्षक,ला प्र वि नाशिक परिक्षेत्र नाशिक, श्री नरेंद्र पवार वाचक, पोलीस उपअधीक्षक, ला.प्र.वि. नाशिक.
यांच्या मार्गदर्शनाखाली सापळा अधिकारी
श्री. समाधान वाघ, पोलीस निरीक्षक, ला.प्र.वि. नंदुरबार ,पर्यवेक्षण अधिकारी श्री राकेश चौधरी
पोलीस उपअधीक्षक, ला.प्र.वि., नंदुरबार,
पडताळणी कार्यवाही पथक : पोहवा/ विजय ठाकरे, पोहवा/ विलास पाटील,पोना/ देवराम गावित,पोना/ हेमंत कुमार महाले,पोना/ सुभाष पावरा, सर्व नेमणूक अँटी करप्शन ब्युरो, नंदुरबार
यांच्या पथकाने केले आहे.
सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने कोणीही त्यांचे कोणतेही शासकीय काम करून देण्यासाठी, किंवा न करण्यासाठी अथवा ते काम करून दिल्याचे मोबदल्यात लाचेची मागणी केल्यास तात्काळ लाचलुचपत प्रतिबंधक विभाग,नंदुरबार येथे संपर्क करावा.*
दुरध्वनी क्रमांक-
02564-230009,
*टोल फ्री क्रमांक १०६४ .*