शिरपूर तालुक्यात वनविभागाच्या धाडसी कारवाया
बेकायदेशीर अवैध लाकूड वाहतूक करणारे वाहन जप्त
शिरपूर प्रतिनिधी - शिरपूर तालुक्यात वन विभागामार्फत धडक कारवाया केल्या जात असून यामुळे अवैद्य लाकूड वाहतूक व बेकायदेशी लाकडाच्या वस्तू बनवणाऱ्या लोकांमध्ये भीतीचे वातावरण तयार झाले आहे. अचानकपणे वनविभाग सक्रिय होऊन धाडसी कारवाई करू लागल्याने आरोपींचे धाबे दणाणले आहे.
मागील आठवड्यात तालुक्यात दोन धाडसी कारवाया केल्यानंतर पुन्हा एकदा मिळालेल्या गोपनीय बातमीच्या आधारे बेकायदेशीर अवैध लाकूड वाहतूक करणारे वाहन जप्त करून गुन्हा दाखल करत वनविभागाने कारवाई केली आहे.
दिनांक 28/05/2024 रोजी मिळालेल्या गुप्त बातमी वरून मा. श्रीमती निनु सोमराज , वनसंरक्षक प्रादेशिक धुळे मा.श्री नितीन कुमार सिंग , उपवनसंरक्षक धुळे वनविभाग धुळे, व मा. श्री राजेंद्र सदगीर, विभागीय वन अधिकारी दक्षता धुळे. म.सहा. वनसंरक्षक शिरपूर यांच्या मार्गदर्शनाखाली वनक्षेत्र शिरपूर प्रादेशिक परिमंडळ सुळे निंयतक्षेत्र दहिवद बिटातील आडे ते शिरपूर रस्त्यावर रात्री 11.30 वाजेच्या सुमारास विना परवाना निम प्रजातीचे लाकुड अवैध वाहतूक करताना वाहन पकडले वाहन क्रमांक MH-02-CE 5632 हे वाहन जप्त करून गुन्हा नोंदविण्यात आला. महेंद्र पिकप वाहनाची व मालाची किंमत 1,50,000 रुपये एवढी सदरील चार चाकी महेंद्र पिकप वाहन रेंज कार्यालय शिरपूर येथे जमा केले. पुढील तपास वनपाल सुळे करीत आहेत.सदरची कार्यवाही भारतीय वन अधिनियम 1927 कलम 41, (2) ब 42 (1)(2) ब 52(1)महाराष्ट्र वन नियमावली 2014 अन्वये करण्यात आली.सदरची कारवाई मा.श्री के डी देवरे वनक्षेत्रपाल शिरपूर आर .ई पाटील वनपाल रोहिणी ,मनोज पाटील वनरक्षक सुळे, कृष्णकांत साळुंखे वनरक्षक दहिवद , राहुल देसले वनरक्षक निमझरी,इत्यादी वन अधिकारी व कर्मचारी यांच्या समूहाने सदरील कारवाई यशस्वीरित्या केली. पुढील तपास चालू आहे.
