शिरपूर -लाकडाची अवैध वाहतूक करणाऱ्यावर वनविभागाकडून गुन्हा दाखल
शिरपूर प्रतिनिधी - शिरपूर तालुक्यात निम प्रजातीच्या लाकडाची अवैध वाहतूक करणाऱ्या वाहनावर वनविभागाकडून धडक कारवाई करत गुन्हा दाखल करण्यात आला आहे.
याबाबत वृत्त असे की दिनांक 27/05/2024 रोजी मिळालेल्या गुप्त बातमी वरून मा. श्रीमती निनु सोमराज , वनसंरक्षक प्रादेशिक धुळे , मा.श्री नितीन कुमार सिंग , उपवनसंरक्षक धुळे वनविभाग धुळे, व मा. श्री राजेंद्र सदगीर, विभागीय वन अधिकारी दक्षता धुळे. म.सहय. वनसंरक्षक शिरपूर (वन्य जीव व प्रा.) स्थित शिरपूर यांच्या मार्गदर्शनाखाली वनक्षेत्र शिरपूर प्रादेशिक ,परिमंडळ वाडी निंयतक्षेत्र वाडी बिटातील वाघाडी ते आथे रस्त्यावर सकाळी 12.15 वाजेच्या सुमारास विना परवाना निम प्रजातीचे लाकुड अवैध वाहतूक करताना वाहन पकडले. व वन गुन्हा नोंदविण्यात आला. महिंद्रा पिकप वाहनाची व मालाची किंमत 180,000 रुपये एवढी सदरील चार चाकी महिंद्रा वाहन रेंज कार्यालय शिरपूर येथे जमा केले. पुढील तपास वनपाल वाडी करीत आहेत.सदरची कार्यवाही भारतीय वन अधिनियम 1927 कलम 26 (1 ) 41, 42 ,52(1) व महाराष्ट्र वन नियमावली 2014 अन्वये करण्यात आली.
सदरची कारवाई मा.श्री के डी देवरे वनक्षेत्रपाल शिरपूर आर .ई पाटील वनपाल रोहिणी मनोज पाटील वनरक्षक सुळे ज्योतिबा कांदे वनरक्षक भोईटी राहुल देसले वनरक्षक निमझरी इत्यादी वन ,अधिकारी व कर्मचारी यांच्या समूहाने सदरील कारवाई यशस्वीरित्या केली. या गुणाच्या पुढील तपास वन विभागाकडून केला जात आहे.