*सरस्वती विद्यालयात कायदेविषयक साक्षरता शिबिर संपन्न*
श्री हनुमान व्यायाम मंदिर ट्रस्ट संचलित सरस्वती प्राथमिक व माध्यमिक विद्यालय शिरपूर येथे, तालुका विधी सेवा समिती , शिरपूर तालुका वकील संघ व श्री हनुमान व्यायाम मंदिर ट्रस्ट शिरपूर यांच्या संयुक्त विद्यमाने, कॉमन मिनिमम प्रोग्राम अंतर्गत " *कायदेविषयक जनजागृती शिबिर* उत्साहात संपन्न झाले.
कार्यक्रमाच्या सुरुवातीला स्वामी विवेकानंद यांचे प्रतिमापूजन मान्यवरांच्या हस्ते करण्यात आले. कार्यक्रमाच्या अध्यक्षस्थानी दिवाणी न्यायाधीश मा. आर. आर. भद्रे साहेब होते . कार्यक्रमाच्या सुरुवातीला प्रमुख वक्ते मा. श्री.अँड.वाय जे शिरसाठ साहेब, यांनी सर्व विद्यार्थी विद्यार्थिनींना पोक्सो कायदा व समाजात जीवन जगताना घ्यावयाची काळजी, याची सविस्तर माहिती दिली. त्यानंतर मा .श्री .एम वाय राणे साहेब ( सहाय्यक दिवाणी न्यायाधीश ) यांनी विद्यार्थ्यांना मूलभूत अधिकार याविषयी सविस्तर माहिती देऊन, विद्यार्थ्यांनी कोणत्याही चुकीच्या मार्गाला जाऊ नये याबाबत मार्गदर्शन केले.
त्यानंतर मा. श्री. पी. पी. जोशी साहेब ( सह. दिवाणी न्यायाधीश शिरपूर ) यांनी विद्यार्थिनींना जीवनात कोणतीही वाईट प्रसंग अथवा घटनेच्या सामना कसा करावा याविषयी मार्गदर्शन केले. शेवटी अध्यक्षीय भाषणात मा. आर .आर.भद्रे साहेब ( दिवाणी न्यायाधीश शिरपूर ) यांनी विद्यार्थ्यांना मार्गदर्शन करताना सांगितले की, आपल्याला आपली कुवत क्षमता ओळखता आली पाहिजे. तसेच मोबाईलच्या वापरामुळे, आज बालकांवर विविध विपरीत व वाईट परिणाम होत असून , शारीरिक व मानसिक अडचणी निर्माण होत असल्याचे प्रतिपादन केले. विद्यार्थ्यांच्या मनातील न्यूनगंड दूर करून एक सुसंस्कृत व चांगले भावी नागरिक विद्यार्थ्यांमधून निर्माण करण्यासाठी शाळेबरोबरच पालक व समाजानेही प्रयत्न करावे.
तसेच ए व्ही भावसार व मा वाय बी ठोंबरे यांनीही विद्यार्थ्यांना अनमोल असे मार्गदर्शन केले.कार्यक्रमासाठी मा .श्री. एस. के. महाजन ( अध्यक्ष वकील संघ शिरपूर ) मा. श्री .वाय.बी.ठोंबरे ( उपाध्यक्ष वकील संघ शिरपूर ) मा. श्री . ए. व्ही. भावसार ( सहा. सरकारी अभियोग्यता शिरपूर ) मा. श्री. एन .ए. चव्हाण ( सचिव वकील संघ शिरपूर ) तसेच संस्थेचे अध्यक्ष मा. दिलीप लोहार, उपाध्यक्ष अरविंद वैद्य , सदस्य राजेंद्र राजपूत हे मान्यवर उपस्थित होते .
कार्यक्रम यशस्वीतेसाठी मुख्याध्यापक व सर्व शिक्षक बंधू भगिनी यांनी प्रयत्न केले.