आर. सी. पटेल शैक्षणिक संकुलातर्फे विद्यार्थ्यांसाठी “परीक्षा पे चर्चा” कार्यक्रम अंतर्गत विविध स्पर्धा व बक्षिस वितरण संपन्न

 

शिरपूर : खा. डॉ. हिनाताई गावित व आ. अमरिशभाई पटेल यांच्या उपस्थितीत आर. सी. पटेल शैक्षणिक संकुलातर्फे विद्यार्थ्यांसाठी आर. सी. पटेल मेन बिल्डिंग मधील “राजगोपाल भंडारी हॉल” मध्ये भारतीय जनता पक्षातर्फे शनिवार दि. 21 जानेवारी 2023 रोजी सकाळी 8 वाजेपासून विद्यार्थ्यांसाठी “परीक्षा पे चर्चा” कार्यक्रम अंतर्गत विविध स्पर्धा व सकाळी 10 वाजता बक्षिस वितरण कार्यक्रम संपन्न झाला. 

यावेळी कार्यक्रमाच्या अध्यक्षस्थानी माजी शालेय शिक्षण क्रीडा व युवक कल्याण मंत्री आमदार अमरिशभाई पटेल होते. बक्षीस वितरण खासदार डॉ. हिनाताई गावित यांच्या हस्ते करण्यात आले. यावेळी आमदार काशिराम पावरा, संस्था सचिव प्रभाकरराव चव्हाण, नंदुरबार जिल्हा संस्था चालक अध्यक्ष जितेंद्र पाटील, भाजपा माजी तालुकाध्यक्ष राहुल रंधे, संस्था सीईओ डॉ. उमेश शर्मा, प्राचार्य पी. व्ही. पाटील, प्राचार्य आर. बी. पाटील, प्राचार्य अमोल परब व अनेक मान्यवर मोठ्या संख्येने उपस्थित होते.

मनोगतात डॉ. हिनाताई गावित यांनी कार्यक्रम बाबत सर्व माहिती दिली. “परीक्षा पे चर्चा” कार्यक्रमाचे सर्वत्र आयोजन करण्यात येत आहे. पंतप्रधान नरेंद्र मोदी “परीक्षा पे चर्चा” कार्यक्रमाद्वारे 2018 पासून परीक्षेचा ताण दूर करण्यासाठी विद्यार्थ्यांशी सुसंवाद साधत आहेत. विद्यार्थ्यांना त्यांचे अनुभव आणि तणाव दूर करण्याचे मार्ग सांगून प्रोत्साहित केले जाते आणि हा एक अतिशय लोकप्रिय आणि उपयुक्त कार्यक्रम ठरला आहे.

प्रस्ताविक संस्था सीईओ डॉ. उमेश शर्मा यांनी केले. सूत्रसंचालन उज्ज्वला पाटील व सुजित जाधव यांनी केले.

सर्वोत्कृष्ट प्रथम तीन

प्रथम रूपाली योगेश चौधरी (एच. आर. पटेल ज्युनिअर कॉलेज शिरपूर), द्वितीय सानिका तुकाराम पाटील(एच. आर. पटेल ज्युनिअर कॉलेज शिरपूर), तृतीय ज्ञानेश्वरी गणपतसिंग गिरासे (एच. आर. पटेल ज्युनिअर कॉलेज शिरपूर).

उत्कृष्ट प्रथम दहा : पूजा उमराव कुमावत (अमरिशभाई आर. पटेल सीबीएसई स्कूल शिरपूर, सानिका विजय पाटील (एच. आर. पटेल ज्युनिअर कॉलेज शिरपूर)), रेवती शैलेंद्र गिरासे (आर. सी. पटेल इंग्लिश मेडियम सेकंडरी स्कूल शिरपूर), भट चेतना अनिरुद्ध (आर. सी. पटेल ज्युनिअर कॉलेज शिरपूर), वाडीले स्नेहल गणेश (एच. आर. पटेल सेकंडरी स्कूल शिरपूर), कोमल पंकज पाटील (एच. आर. पटेल ज्युनिअर कॉलेज शिरपूर), हेमांगी निंबा गुजर (एच. आर. पटेल ज्युनिअर कॉलेज शिरपूर), जमादार दीपिका ललितसिंग (एच आर पटेल सेकंडरी स्कूल शिरपूर), पाटील कल्याणी रवींद्र (एच. आर. पटेल ज्युनिअर कॉलेज शिरपूर), नंदनी किशोर पाटील (एच. आर. पटेल सेकंडरी स्कूल शिरपूर).

उत्तेजनार्थ प्रथम पंचवीस:

जयश्री चिंतामण पाटील( एच. आर. पटेल ज्युनिअर कॉलेज शिरपूर), मोहित भोजराज पाटील (ए. आर. पटेल सीबीएसई स्कूल शिरपूर), बडगुजर नंदिनी अनिल (आर. सी. पटेल इंग्लिश मीडियम  शिरपूर), बारी तृप्ती गणेश (एच. आर. पटेल सेकंडरी स्कूल शिरपूर),  निकम रिया मनोहर (एच. आर. पटेल जुनिअर कॉलेज शिरपूर), चौधरी मोहित राजेंद्र (आर. सी . पटेल सेकंडरी स्कूल शिरपूर), बडगुजर तनिष्क अतुल (ए. आर. पटेल सीबीएसई स्कूल शिरपूर), पाटील अमृता राकेश (एच. आर. पटेल ज्युनिअर कॉलेज शिरपूर), मोरे मोना दिपक (एच. आर. पटेल ज्युनिअर कॉलेज शिरपूर), राजपूत सृष्टी महेंद्र (आर. सी. पटेल इंग्लिश मीडियम  शिरपूर), सोलंकी गोपाल जे. (आर. सी. पटेल इंग्लिश मीडियम  शिरपूर), ढोले भाविका भोजराज (एच. आर. पटेल ज्युनिअर कॉलेज शिरपूर),  मराठे धनश्री मनोज (एच. आर. पटेल जुनिअर कॉलेज शिरपूर), चौधरी दिपराज भरतसिंग (आर. सी.  पटेल सेकंडरी स्कूल शिरपूर), पावरा अक्षय रेवसिंग (आर. सी.  पटेल सेकंडरी स्कूल शिरपूर), तसनीम फातेमा नोमान अन्सारी (ए. आर. पटेल सीबीएस स्कूल शिरपूर), कोळी प्रशांत राजेंद्र (आर. सी. पटेल इंग्लिश मीडियम  शिरपूर), गणेश आनंदा माळी (आर. सी.  पटेल सेकंडरी स्कूल शिरपूर), सोनगडे देवयानी भूपेश (एच. आर. पटेल सेकंडरी स्कूल शिरपूर), दत्ताराम प्रवीण कानसे (आर. सी. पटेल सेकंडरी स्कूल शिरपूर), निकुंभे रिया सुभाष (एच. आर. पटेल सेकंडरी स्कूल शिरपूर), दिशा हेमंत पाटील (आर. सी. पटेल इंग्लिश मेडियम  शिरपूर), बडगुजर समीक्षा धनराज (एच. आर. पटेल सेकंडरी स्कूल शिरपूर), बडगुजर राहुल गुलाब (आर. सी.  पटेल सेकंडरी स्कूल शिरपूर), साळुंके कृष्णा प्रदीप (आर. सी.  पटेल सेकंडरी स्कूल शिरपूर).

पंतप्रधान नरेंद्र मोदी म्हणाले की "परीक्षेच्या काळात विद्यार्थ्यांनी घाबरू नये अशी माझी इच्छा आहे. मित्रांची कॉपी करायची गरज नाही, तुम्ही जे कराल ते आत्मविश्वासाने करा, मला खात्री आहे की तुम्ही सर्व परीक्षा उत्तीर्ण करू शकाल." पंतप्रधान नरेंद्र मोदी यांनी लिहिलेले “एक्झाम वॉरिअर्स” (Exam Warriors) हे पुस्तक, ज्यामध्ये विद्यार्थ्यांसाठी 28 मंत्र आणि पालकांसाठी 6 टिप्स आहेत. खूप लोकप्रिय असलेले हे पुस्तक जास्तीत जास्त विद्यार्थ्यांपर्यंत पोहोचवण्यासाठी प्रयत्न सुरु आहेत.

यावर्षी 27 जानेवारी 2023 रोजी सकाळी 11 वाजता पंतप्रधान नरेंद्र मोदी यांच्या हस्ते 'परीक्षा पे चर्चा' सहाव्या आवृत्तीत हा कार्यक्रम आयोजित करण्यात येणार असून यामध्ये विद्यार्थी, पालक आणि शिक्षकांचा मोठ्या प्रमाणात सहभाग असणार आहे.

भाजपा राष्ट्रीय अध्यक्ष जगत प्रकाश नड्डा यांच्या सूचनेनुसार पुढीलप्रमाणे नियोजन करण्यात आले आहे.

कला आणि चित्रकला स्पर्धा. जानेवारी 2023 पूर्वी प्रत्येक जिल्ह्यात परीक्षेवर चर्चा करण्याच्या कार्यक्रमात कला आणि चित्रकला यांचा समावेश करुन स्पर्धा आयोजित करण्यात आले. कार्यक्रमात संस्थेच्या विविध शाळांतील इयत्ता 9 वी ते 12 वी पर्यंतच्या 500 हून अधिक विद्यार्थी सहभागी झाले होते.

“एक्झाम वॉरियर्स” या पुस्तकात कला आणि चित्रकलेचे विविध प्रकार दाखविण्यात आले असून स्पर्धेत विविध सर्जनशील पद्धतीने कला आणि चित्रकलेचा कार्यक्रम झाला. सहभागी विद्यार्थ्यांनी पुस्तकातील कोणत्याही मंत्राच्या चित्रांची त्यांच्या कलेतून रेखाटन, रंगसंगती करावी. हा कार्यक्रम अडीच तासांचा असून एक तास कला आणि चित्रकलेसाठी आणि पुढचा एक तास चित्रकलेच्या निवडीसाठी आणि उरलेला वेळ पुरस्कार वितरणासाठी होता.

निवडक क्रमवारी एक, दोन आणि तीन जाहीर करताना प्रमाणपत्रासोबत स्मृतीचिन्ह देखील देण्यात आले. 10 सर्वोत्कृष्ट आणि 25 उत्कृष्ट कलांचे प्रमाणपत्र देखील सहभागींना देण्यात आले. स्पर्धेत सहभागी होणाऱ्या सर्व विद्यार्थ्यांना कार्यक्रमात सहभागी झाल्याबद्दल सहभाग प्रमाणपत्र देण्यात आले. 

कार्यक्रम राजकीय नसल्याचे भाजपा राष्ट्रीय सरचिटणीस तथा मुख्यालय प्रभारी अरुण सिंग यांनी कळविले होते.

कार्यक्रमाच्या यशस्वीतेसाठी संस्थेतील प्राचार्य, शिक्षक, कलाशिक्षक, कर्मचारी यांनी परिश्रम घेतले.