शिरपूर : शहरातील वरचे गाव वडगल्ली परिसरात श्री नर्मदेश्वर महादेव, श्री वटेश्वर हनुमान, श्री गणेश, पार्वती माता, श्री कुर्म भगवान, श्री नंदीश्वर आदी मूर्त्यांचा भव्य प्राणप्रतिष्ठा सोहळा व मंदिराचा जिर्णोद्धार सोहळा 4 जुलै ते 6 जुलै 2022 पर्यंत आयोजित करण्यात आला आहे.
श्री बालाजी मंदिर वरचे गाव पासून वडगल्ली पर्यंत शोभायात्रा सोमवार दि. 4 जुलै 2022 रोजी दुपारी 4 वाजेपासून काढण्यात येणार आहे. तसेच श्री गणेश पूजन, पंचकर्म, समस्त पीठ स्थापन, हवन अग्नीकर्म असे विविध धार्मिक कार्यक्रम मंगळवारी 5 जुलै 2022 रोजी आषाढ शुद्ध 6 सकाळी 9 ते दुपारी 1 वाजेपर्यंत व दुपारी 3 ते सायंकाळी 6 वाजेपर्यंत संपन्न होणार आहे.
प्राणप्रतिष्ठा सोहळा व महाप्रसादाचा कार्यक्रम बुधवारी 6 जुलै 2022 रोजी सकाळी 10 वाजेपासून सुरू होणार आहे.
या सर्व धार्मिक कार्यक्रमांचा लाभ घेण्याचे आवाहन वरचे गाव वड गल्ली परिसरातील समस्त नागरिकांनी व आयोजकांनी केले आहे.