मध्यरात्री कार मधून गुटख्याची वाहतूक करणारी कार पकडली
नांदुरा पोलिसांची मोठी कारवाई
सव्वा पाच लाखांचा मुद्देमाल जप्त
तर कार चालक फरार होण्यास यशस्वी
मलकापूर - उमेश ईटणारे
अवैधरित्या गुटख्याची वाहतूक करणाऱ्या कारला नांदुरा पोलिसांनी पकडले , मात्र चालक फरारी होण्यास यशस्वी झाला . पोलिसांनी कारसह प्रतिबंधित गुटखा असा एकूण सव्वापाच लाख रुपयांचा मुद्देमाल जप्त केला . काल , ६ फेब्रुवारीच्या मध्यरात्री नांदुरा - मलकापूर रोडवरील नायगाव फाट्याजवळ ही कारवाई करण्यात आली . एका कारमधून अवैधरित्या गुटख्याची वाहतूक होणार असल्याची गोपनीय माहिती नांदुरा पोलिसांना मिळाली होती . माहितीच्या आधारे पोलिसांनी नायगाव फाट्याजवळ सापळा रचला . तिथे हॉटेल स्वादजवळ कारला ( क्र . एमएच ०१ सीजे ०६५ ९ ) पोलिसांनी अडवले . कार उभी करून अंधाराचा फायदा घेत चालक फरारी झाला . पोलिसांनी कारची झडती घेतली असता कारमधून २ लाख १५ हजार ५० रुपयांचा विमल गुटखा , ३ ९ हजार ६०० रुपयांचा केसरयुक्त पानमसाला , ४३ हजार रुपयांची तंबाखू व २ लाख २५ हजार रुपयांची स्विफ्ट डिझायर कार असा एकूण 5 लाख २५ हजार रुपयांचा मुद्देमाल जप्त केला . नांदुरा पोलीस ठाण्यात फरारी कारचालकाविरुद्ध गुन्हा दाखल करण्यात आला आहे . तपास नांदुरा पोलीस ठाण्याचे पोलीस उपनिरीक्षक श्री . मिरगे करीत आहेत
Tags
news