वीर जवान शहीद संजयसिह राजपूत यांच्या तृतीय पुण्यतिथी निमित्त श्रीमद्द भागवत कथेचे आयोजन मलकापूर - उमेश ईटणारे

 काश्मिरमधील पुलवामा येथे झालेल्या भ्याड हल्ल्यात शहीद मलकापूर येथील वीर जवान शहीद संजयसिंह राजपूत यांच्या तृतीय पुण्यतिथी निमित्त ७ ते १४ फेब्रुवारीपर्यंत श्रीमद् भागवत कथा व भव्य अखंड हरीनाम सप्ताहाचे आयोजन विवेकानंद आश्रम , माता महाकाली नगर मलकापूर येथे करण्यात आले संकिर्तन स्वामी आहे . या आयोजित करण्यात आलेल्या सप्ताहामध्ये ह . भ . प . परम्श्रध्देय युवराज श्रीजी महाराज पांडुरना जि . छिंदवाडा ( मध्यप्रदेश ) हे कथेचे वाचन करणार आहेत . त्याचप्रमाणे ह.भ.प. गजानन महाराज वरसाडेकर जळगाव खा . , ह . भ . प . अक्रुर महाराज साखरे गेवराई बीड , ह.भ.प.सोपान महाराज शास्त्री सानप हिंगोली , ह.भ.प. ज्ञानेश्वर महाराज पाटील जळकेकर , रामायणाचार्य ह.भ.प. विदर्भरत्न जळगाव संजय महाराज पाचपोर , भागवताचार्य ह . भ . प . महंत समाधानमहाराज भोजेकर जळगाव खा . , ह.भ.प. आचार्य अमृताश्रम स्वामी महाराज बीड यांचे किर्तन तर १४फेब्रुवारी रोजी सकाळी १० ते १२ ह.भ.प.महंत नितीनदास महाराज मलकापूर यांचे काल्याचे किर्तन होणार आहे .

८ फेब्रुवारी ते १३ फेब्रुवारी पर्यंत युवकांसाठी शहीद संजयसिंह राजपूत स्मृती व्याख्यानमालेचे सकाळी ९ ते ११ आयोजन केले असून यामध्ये युवकांना व्याख्याते मार्गदर्शन करणार आहेत . तसेच ९ , ११ व १३ फेब्रुवारी रोजी मोफत रुग्ण तपासणी व रोगनिदान शिबिराचे आयोजन सकाळी १० ते १ वा . पर्यंत करण्यात आले आहे . कोरोनाच्या पार्श्वभूमिवर शासनाने दिलेल्या नियमांचे पालन करून या सर्व कार्यक्रमांचे लाईव्ह प्रक्षेपण युट्यूब चॅनल शहीद संजयसिंह राजपूत या नावाने पाहता येईल . त्यामुळे जास्त गर्दी न करता याचा लाभ घ्यावा , असे आवाहन आयोजक शहीद संजयसिंह राजपूत परिवार व माता महाकाली नगर मित्र मंडळ यांनी केले आहे .