भिमाई आश्रमशाळेत राजमाता जिजाऊ माँसाहेबांना जयंतीदिनी अभिवादन प्रतिनिधी दत्ता पारेकर

पुणे:इंदापूर येथील मातोश्री रमाबाई आंबेडकर विद्यार्थी वसतिगृह ट्रस्ट संचलित प्राथमिक, माध्यमिक आश्रमशाळा, ज्युनिअर कॉलेज, मुलांचे व मुलींचे अनुदानित वसतिगृह यांच्या संयुक्त विद्यमाने राजमाता जिजाऊ माँसाहेबांची ४२४ वी जयंती साजरी करण्यात आली.

यावेळी इंदापूर नगरपरिषदेच्या माजी नगरसेविका व संस्थेच्या अध्यक्षा आयु. शकुंतला रत्नाकर मखरे  यांच्या हस्ते जिजाऊ माँसाहेबांच्या प्रतिमेस पुष्पहार, तथागत गौतम बुद्धांच्या मुर्तीस,दिवंगत रत्नाकर मखरे  यांच्या प्रतिमेस पुष्प अर्पण करून अभिवादन केले. यावेळी संस्थेतील सर्व विभागातील शिक्षक-शिक्षकेतर कर्मचारी उपस्थित होते. यावेळी कोरोनाचा प्रादुर्भाव टाळण्याकरिता नियमांचे पालन कार्यक्रम स्थळी करण्यात आले. कार्यक्रमाचे प्रास्ताविक व सूत्रसंचालन नानासाहेब सानप सर यांनी केले.