शिरपूर कृषी उत्पन्न बाजार समिती मध्ये माजी मंत्री आ. अमरिशभाई पटेल यांच्या वाढदिवसानिमित्त आज भव्य रक्तदान शिबीर व वृक्षारोपण

शिरपूर : शिरपूर कृषी उत्पन्न बाजार समिती मध्ये माजी मंत्री आ. अमरिशभाई पटेल यांच्या वाढदिवसानिमित्त भव्य रक्तदान शिबीर व वृक्षारोपण दि. १४ सप्टेंबर मंगळवार रोजी सकाळी ९ वाजता आयोजित करण्यात आले आहे.

तालुक्याचे आमदार काशिराम पावरा, धुळे जिल्हा परिषद अध्यक्ष डॉ. तुषार रंधे, तालुक्यातील विविध संस्थांचे पदाधिकारी, अनेक कार्यकर्ते यांच्या प्रमुख उपस्थितीत रक्तदान शिबिर व वृक्षारोपण कार्यक्रम संपन्न होणार आहे.

 कृषी उत्पन्न बाजार समिती मधील हमाल मापाडी भवन येथे सकाळी ९ वाजेपासून सायंकाळपर्यंत रक्तदान शिबिर घेण्यात येणार आहे. तसेच कृषी उत्पन्न बाजार समिती परिसरात मान्यवरांच्या हस्ते वृक्षारोपण करण्यात येणार आहे.

या कार्यक्रमांना शिरपूर शहर व तालुक्यातील मान्यवरांनी, शेतकरी, व्यापारी, हमाल, मापाडी, नागरिक यांनी उपस्थित राहण्याचे आवाहन कृषी उत्पन्न बाजार समितीचे सभापती नरेंद्रसिंग सिसोदिया, उपसभापती इशेंद्र कोळी, सर्व संचालक यांनी केले आहे.