माझे कुटुंब, माझी जबाबदारी या मोहिमेअंतर्गत जिल्ह्यातील प्राथमिक गटात चित्रकला व काव्यलेखन स्पर्धेत प्रांजल सोनवणे व सिद्धेश सोनवणे यांचे सुयश.

प्रजासत्ताकदिनी धुळ्याचे पालकमंत्री नामदार अब्दुल सत्तार यांच्या हस्ते होणार सत्कार.

शिरपूर : माझे कुटुंब, माझी जबाबदारी या मोहिमेअंतर्गत जिल्ह्यातील प्राथमिक, माध्यमिक, उच्च माध्यमिक शाळांच्या स्तरावर या तीन गटांमध्ये निबंध स्पर्धा, काव्य स्पर्धा, चित्रकला स्पर्धांचे आयोजन करण्यात आले होते. या स्पर्धांमध्ये जिल्हा स्तरावर तिन्ही गटांमध्ये व तिन्ही उपक्रमांमध्ये प्रथम,द्वितीय क्रमांक मिळविणाऱ्या विद्यार्थ्यांचा गुणगौरव सोहळा आयोजित करण्यात येणार आहे. हा सोहळा भारतीय प्रजासत्ताकाच्या 71 व्या वर्धापनदिनाच्या औचित्यावर साजरा करावयाचा आहे. 

यात जिल्हा स्तरावर प्रथम व द्वितीय आलेल्या विद्यार्थ्यांना मा.ना.श्री.अब्दुल नबी सत्तार सो.राज्य मंत्री महसूल व ग्रामविकास, बंदरे, खार जमीन विकास, विशेष सहाय्य महाराष्ट्र राज्य तथा पालकमंत्री, धुळे जिल्हा

यांच्या शुभहस्ते जिल्हा क्रीडा संकुल धुळे येथील क्रीडांगण, देवपूर,धुळे येथे होणार आहे.

सदर स्पर्धेत प्राथमिक गट अ काव्यलेखन व चित्रकला स्पर्धेमध्ये शिरपूर येथील आर .सी .पटेल प्राथमिक शाळा शिरपूर या ठिकाणी इयत्ता चौथी या वर्गात शिक्षण घेणारे प्रांजल अमोल सोनवणे व सिद्धेश अविनाश सोनवणे यांनी गट अ  मध्ये जिल्ह्यात प्रथम येण्याचा बहुमान मिळवलेला आहे. सदर कार्यक्रम प्रसंगी सन्मान पत्र व पुस्तक भेट देण्यात येणार आहे. सदर कार्यक्रमास कोरोना विषाणूची पार्श्वभूमी विचारात घेता मास्क लावणे, सामाजिक अंतर ठेवण्याबाबतच्या सूचना कार्यक्रमासाठी उपस्थित राहणाऱ्या विद्यार्थ्यांना, पालकांना तसेच संबंधित विभागाला देण्यात आलेल्या आहेत.

सदर विद्यार्थिनीच्या यशाबद्दल संस्था अध्यक्ष आमदार अमरीशभाई पटेल, कार्याध्यक्ष भूपेशभाई पटेल, नगराध्यक्षा सौ. जयश्रीबेन पटेल, उपाध्यक्ष राजगोपाल भंडारी, सचिव प्रभाकरराव चव्हाण, सीईओ डॉ. उमेश शर्मा, शाळेचे मुख्याध्यापक सी. डी. पाटील, वर्गशिक्षक संदीप चौधरी, अरुण हातेडकर, शाळेतील शिक्षक बंधू भगिनी यांनी विद्यार्थिनींचे कौतुक केले.