आर. सी. पटेल महाविद्यालयातील एम. एस्सी. संगणक च्या विद्यार्थ्यांना सुवर्ण पदक

शिरपूर : येथील आर. सी. पटेल एज्युकेशनल ट्रस्ट संचलित आर. सी. पटेल कला, वाणिज्य व विज्ञान महाविद्यालयातील एम. एस्सी. संगणक विभागातील विद्यार्थी शैक्षणिक वर्ष 2019-2020 च्या विद्यापीठ गुणवत्ता यादीत झळकले.

कवयित्री बहिणाबाई चौधरी उत्तर महाराष्ट्र विद्यापीठाने ऑक्टोबर 2020 मध्ये घेतलेल्या परीक्षांचे निकाल नुकतेच जाहीर करण्यात आले असुन त्यात पद्‌व्युत्तर द्वितीय वर्ष संगणकशास्त्र विभागातील माधुरी रविंद्र बोरसे ही विद्यार्थिनी 9.75 ग्रेड (86.67 टक्के) गुणां सह विद्यापीठात प्रथम क्रमांक प्राप्त करून सुवर्ण पदक पटकावले. तर विद्यापीठात द्वितीय संगणक विभागातील हर्षदा अशोक पाटील हिला 9.71 ग्रेड (85.96 टक्के) मिळाले, महिमा गुलाबराव पाटील हिला 9.67 ग्रेड (85.50 टक्के) मिळाले. पद्‌व्युत्तर वर्गातील संगणक विभागाचा निकाल हा 100 टक्के असून सातत्त्याने ह्या शैक्षणिक वर्षांत देखील सुवर्ण पदक पटकावले.

गुणवंत विद्यार्थ्यांचे माजी शिक्षण मंत्री अमरिशभाई पटेल, आर. सी. पटेल एज्युकेशनल ट्रस्ट अध्यक्ष तथा उपनगराध्यक्ष भुपेशभाई पटेल, उपाध्यक्ष राजगोपाल भंडारी, सचिव प्रभाकरराव चव्हाण, माजी कुलगुरू डॉ. के. बी. पाटील, सर्व संचालक व महाविद्यालयाचे प्राचार्य डॉ. डी. आर. पाटील, उपप्राचार्य डॉ. ए. जी. सोनवणे, विभाग प्रमुख प्रा. बी. एस. पंचभाई यांनी कौतुक केले. 

या यशासाठी संगणकशास्त्र विभागातील प्रा. बी. एस. पंचभाई, प्रा. एस. डी. मोने, प्रा. ए. जे. माहेश्वरी, प्रा. दिपक चव्हाण, प्रा. मेघा सोनवणे, प्रा.पुजा हजारे, प्रा.गीतांजली पाटील, गणेश सोनार, संजय मोरे, बन्सीलाल चौधरी, दशरथ पटेल, मेहुल गुजराथी, संदेश राजपूत यांचे मार्गदर्शन लाभले.