शिरपूर : कॅडिला हेल्थकेअर लि. चे मॅनेजिंग डायरेक्टर डॉ. शर्विलभाई पटेल यांनी आर. सी. पटेल फार्मसी महाविद्यालयास सदिच्छा भेट देऊन समाधान व्यक्त केले.
माजी खासदार स्व. मुकेशभाई पटेल यांचे जावई तथा कॅडिला हेल्थकेअर लि. (अहमदाबाद) चे मॅनेजिंग डायरेक्टर डॉ. शर्विल पटेल, सौ. मेहा शर्विल पटेल, माजी मंत्री अमरिशभाई पटेल यांच्या सुकन्या सौ. स्नेहा अंकित पारेख यांनी आर. सी. पटेल फार्मसी महाविद्यालयास भेट दिली.
कॅडिला हेल्थकेअर लि. ही एक बहुराष्ट्रीय संशोधन आधारित फार्मास्युटिकल कंपनी आहे. कॅडिला फार्मास्युटिकल्स मॅन्युफॅक्चरिंग सुविधेस डब्ल्यूएचओ-जीएमपी, यूके-एमएचआरए, यूएसएफडीए-एपीआय, टीजीए-ऑस्ट्रेलिया आणि आयफा-इटली यासारख्या आंतरराष्ट्रीय संस्थांनी मान्यता दिली आहे. कॅडिला फार्मास्युटिकल्सचे आंतरराष्ट्रीय कार्य अमेरिका, जापान, आशिया, सीआयएस आणि आफ्रिका या देशांसह ५८ देशांमध्ये मोठ्या स्वरूपात आहे. या ग्रुपमध्ये जगभरात हजारो कर्मचारी कार्यरत आहेत.
आर. सी. पटेल फार्मसी महाविद्यालय हे उत्तर महाराष्ट्रातील नामांकित महाविद्यालय असून नेहमीच विदयार्थ्यांच्या उज्ज्वल भविष्यासाठी प्रयत्नशील असते. कॅडीला सारख्या बहुराष्ट्रीय कंपनी सोबत संबंध प्रस्थापित करून विद्यार्थ्यांना नोकरीची संधी प्राप्त व्हावी या हेतूने ही भेट आयोजित करण्यात आली होती. महाविद्यालयाचे काही माजी विद्यार्थी कॅडीला फार्मासुटिकल्स मध्ये तसेच विविध बहुराष्ट्रीय फार्मा कंपनी मध्ये कार्यरत आहेत.
त्यांनी संपूर्ण महाविद्यालयाची अगदी बारकाईने आणि कुतूहलाने पाहणी केली तसेच महाविद्यालयाची माहिती जाणून घेतली. येथील आधुनिक शिक्षण पद्धतीने सुसज्ज असे स्मार्ट क्लास रूम्स, स्मार्ट बोर्डस, नवनवीन इन्फॉर्मशन अँड कम्युनिकेशन टेक्निक्स, वेब-बेस्ड लर्निंग, संशोधन क्षेत्रात उच्च प्रतीचे योगदान सातत्य, आंतरराष्ट्रीय मानदंडानुसार असलेल्या प्रयोगशाळा, ६०० हून अधिक संशोधन-प्राणी असलेले ऍनिमल हाऊस, २ कोटीहून अधिक पुस्तकांचे ग्रंथालय,महाविद्यालयाला उत्तर महाराष्ट्र विद्यापीठ जळगाव, अखिल भारतीय तंत्र शिक्षण परिषद नवी दिल्ली, फार्मसी काउन्सिल ऑफ इंडिया यांची मान्यता नॅशनल असेसमेंट अँड अक्रेडीटेशन कौंसिल चे मानांकन, नॅशनल बोर्ड ऑफ अक्रेडीटेशन (एन बी ए) या संस्थेचे थर्ड सायकल (तिसऱ्यांदा) मानांकन, नॅशनल इन्सिस्टयुट ऑफ रॅकींग फ्रेमवर्क (एन आय आर एफ) नुसार देशात ५२ वे स्थान या सर्व गोष्टींचे कौतुक केले.
डॉ. शर्विल पटेल यांनी महाविद्यालयास कॅडीला फार्मास्युटिकल सोबत सक्रियपणे कनेक्ट करून कंपनीमार्फत विदयार्थ्यांना प्रशिक्षण देऊन विदयार्थ्यांची भरती करण्यात सहभागी होणार असल्याचे सांगितले.
यावेळी संस्था उपाध्यक्ष राजगोपाल भंडारी,
प्राचार्य डॉ. एस. जे. सुराणा, प्राचार्य डॉ. डी. आर. पाटील, प्राचार्य डॉ. एस. बी. बारी, प्राचार्य डॉ. नितीन हासवानी, उपप्राचार्य डॉ. अतुल शिरखेडकर उपस्थित होते.
ग्रामीण भागातील विदयार्थी महाविद्यलयात शिकत आहेत. हुशार, होतकरू, स्वतःची प्रगती करू इच्छित असणारे विदयार्थ्यांना नोकरीची संधी उपलब्ध करून देता यावी यासाठी नक्कीच प्रयत्न करू तसेच कॅडीला संशोधन विभागातही पदव्युत्तर विद्यार्थाना समाविष्ट करणार असल्याचे सांगून लवकरच मेमोरँडम ऑफ अंडरस्टॅण्डिंग अर्थात सामंजस्य करार करण्याचे प्राचार्य डॉ. एस. जे. सुराणा व उपप्राचार्य डॉ. अतुल शिरखेडकर यांना आश्वासन दिले.
याप्रसंगी विभागप्रमुख प्रा. डॉ. एच. एस. महाजन, प्रा. डॉ. एस. एस. चालिकवार, प्रा. श्रीमती डॉ. एस. डी. पाटील, प्रा. डॉ. एम. जी कळसकर, रजिस्ट्रार जितेश जाधव उपस्थित होते.
Tags
news