शहाद्यात प्रभागाची माहिती आता एका क्लिकवर जिल्ह्यात प्रथमच लोकप्रतिनिधीद्वारे असा उपक्रम

शहादा (प्रतिनिधी) : नगरपालिका प्रभाग क्रमांक नऊच्या नगरसेविका योगिता संतोष वाल्हे यांनी केलेल्या कामांची सर्व माहिती एका क्लिकवर उपलब्ध होणार आहे . या प्रभागातील समस्या , तक्रारी त्यांच्या वेबसाईटवर करता येणार असून या वेबसाईटचा शुभारंभ जि.प.चे कृषी सभापती अभिजित पाटील यांच्या हस्ते करण्यात आला .  जिल्ह्यात प्रथमच लोकप्रतिनिधीद्वारे असा उपक्रम राबविण्यात आला आहे . याप्रसंगी नगरसेविका योगिता संतोष वाल्हे म्हणाल्या की , प्रभागातील लोकांना अधिक माहितीसाठी माझ्या वेबसाईटवर जाऊन आजवर केलेल्या कामांचा लेखाजोखा पाहता येऊ शकणार आहेत . योगिता वाल्हे यांनी भारतीय जनता पक्षाच्या वतीने पहिल्यांदाच नगरपालिका निवडणूक नगरसेविका झाल्या आहेत . त्यांनी राबविलेल्या या अभिनव उपक्रमाचे सर्वत्र कौतुक केले जात आहे . माझ्या कार्यालयात क्रमांक नऊ कसा विकसनशील करता येईल यासाठी नागरिकांच्या सूचना , समस्या व मार्गदर्शन घेऊन विकास करणार असल्याचेही त्या म्हणाल्या . या वेळी नगरसेवक संदीप पाटील , संतोष वाल्हे , सुरेश पाटील , सौरभ जहागिरदार , सागर कुवर आदी उपस्थित होते . दरम्यान नगरसेविका योगिता वाल्हे यांनी प्रभागातील समस्या जाणून घेण्यासाठी व विकासासाठी सुरू केलेल्या या उपक्रमामुळे नागरिकांनी समाधान व्यक्त होत आहे .