नंदुरबार प्रतिनिधी - नंदुरबार जिल्ह्यातील शहादा पंचायत समितीमध्ये रस्ता कामाच्या बिलापोटी 24 हजारांची लाच मागितल्याप्रकरणी पंचायत समितीच्या बांधकाम अभियंता व ग्रामसेवकावर लाचलुचपत प्रतिबंधक विभागाने गुन्हा दाखल केला आहे.
याबाबत वृत्त असे की शहादा तालुक्यातील खाजगी ठेकेदार व मूळ तक्रारदार यांनी 2018 -19 या कालावधीत टेंभली ग्रुप ग्रामपंचायत अंतर्गत होळ गुजरी ग्रामपंचायतीचे वस्ती रस्ता काँक्रीटीकरणाचे काम जनसुविधा 2515 योजनेअंतर्गत रुपये 9,99,000 / ₹ कामाची निविदा टेम्बली तालुका शहादा जिल्हा नंदूरबार या ग्रुप ग्रामपंचायतीच्या वतीने देण्यात आली होती.
सदर चे काम नमूद एजन्सी ने तक्रारदार यांना सब कॉन्ट्रॅक्ट म्हणून दिले होते व तसा करारनामा करण्यात आला होता सदर चे काम डिसेंबर 2019 मध्ये पूर्ण झाल्याने टेभर्ली ग्रामपंचायतीला जिल्हा परिषद नंदूरबार यांनी ₹ 8,05,200/ रकमेचा चेक मार्च महिन्यात वर्ग केला परंतु रक्कम न मिळाल्याने त्याबाबत तक्रारदार यांनी आरोपी लोकसेवक राजेश लक्ष्मण पाटील व 41 कनिष्ठ अभियंता पंचायत समिती बांधकाम विभाग शहादा व प्रवीण सिंग कोमल सिंग गिरासे वय 40 ग्रामसेवक टेंभली ग्रुप ग्रामपंचायत तालुका शहादा याना विचारले असता त्यांनी नमूद कामाच्या संबंधाने तक्रारदाराकडे चेक काढून देणे साठी 24,000/ रुपये लाचेची मागणी केली होती . तकारदार यांनी लाच लुचपत विभागात तक्रार केली होती . यावेळी केलेल्या कारवाईत आरोपी लोकसेवक यांनी स्वतःचे आर्थिक फायद्यासाठी अप्रामाणिकपणे भ्रष्ट बेकायदेशीर मार्गाचा अवलंब करून लाचेची मागणी केली म्हणून दिनांक 08/06/2020 रोजी पंचायत समिती कार्यालय शहादा येथे पंचा समक्ष तपासणी केली व तपासाअंती गुन्हा दाखल करण्यात आला आहे.
सदरची कारवाई शिरिष जाधव पोलीस उप अधिक्षक, ला. प्र. वि. नंदूरबार युनिट यांच्या मार्गदर्शनाखाली जयपाल अहिररराव
पोलीस निरीक्षक ला प्र वि नंदूरबार व इतर सहकारी*HC/ उत्तम महाजन,संजय गुमाणे, मनोहर बोरसे ,PN, दीपक चित्ते ,संदीप नावडेकर, मनोज अहिरे अमोल मराठे
,WPN ज्योती पाटील इ च्या पथकाने केली आहे .
Tags
news