धुळे , कोरोनाचे हॉट स्पॉट असलेल्या मालेगाव येथील पॉझिटिव्ह पेशंट धुळे येथे पाठवू नये , अशी मागणी माजी आ . राजवर्धन कदमबांडे यांनी केली आहे .
मालेगावचे पेशंट धुळ्यात हिरे वैद्यकीय महाविद्यालयात पाठविले जात आहेत . त्यामुळे धुळे शहरातील विविध स्तरातील नागरिकांत चिंता व्यक्त होत आहे . धुळे येथे आधिच रुग्णालयावर क्षमतेपेक्षा अधिक भार आहे . शिवाय मालेगावचे रुग्ण आल्याने येथे संसर्ग वाढण्याबाबत नागरिकात शंका व्यक्त होत आहेत . शिवाय जिल्हा बंदी तोडून रुग्ण धुळ्यात आणणेही योग्य नाही . मालेगावचे जिल्हा केंद्र नाशिक असल्याने हे रुग्ण नाशिकला पाठवावे , अशीही सूचना त्यांनी केली आहे .