शिरपूर - प्रियदर्शिनी सहकारी सूत गिरणीचे चेअरमन तथा उपनगराध्यक्ष भुपेशभाई पटेल यांच्या कडून मोफत आर. ओ. वॉटर कुलर भेट स्वरूपात तालुक्यातील होळनांथे येथील प्राथमिक आरोग्य केंद्रास देण्यात आली.
होळनांथे येथील प्राथमिक आरोग्य केंद्रात परिसरातील अनेक रुग्ण आरोग्य सेवेचा लाभ घेण्यासाठी येत असतात. रुग्ण तसेच येथील आरोग्य अधिकारी, कर्मचारी यांची गरज पाहता वॉटर कुलर बसविण्यात आले.भुपेशभाई पटेल हे नेहमीच सामाजिक बांधिलकी जपून इतरांना मदत देण्यासाठी तत्पर असतात. भर उन्हाळ्यात रुग्ण व डॉक्टर, कर्मचारी यांनाही पिण्याचे स्वच्छ व निर्जंतुक पाणी मिळावे या समाज सेवेच्या भावनेतून उपनगराध्यक्ष भुपेशभाई पटेल यांनी आर. ओ. वॉटर कुलर भेट दिले.
याबद्दल प्राथमिक आरोग्य केंद्राचे वैद्यकीय अधिकारी डॉ. अनंत चव्हाण, वैद्यकीय अधिकारी डॉ. श्वेता निशाणे, औषध निर्माता राजेंद्र पावरा, आरोग्य सेविका डी. ई. चौधरी, डी. एस. पाटील, पी. जे. सोनवणे, पी. व्ही. पवार तसेच ग्रामस्थ यांनी आदींनी आभार व्यक्त केले आहे.