शिरपूर प्रतिनिधी : लोकडाउन मधील कालावधीत राज्यातील मजुरांना त्यांच्या मूळगावी जाण्यासाठी महाराष्ट्र राज्य मार्ग परीवहन मंडळाच्या बसेस मार्फत मूहवत करण्याची सुविधा देण्याबाबत दि . ९ मे रोजी शासनाने आदेशात केले होते . यांनुसार शिरपूर शहरातील मोफत बस सुविधा आज रोजी सुरू झाली असून , शिरपूर टोलनाक्यापासून बिजासन घाट मध्यप्रदेशच्या सीमेपर्यंत ही सेवा सुरू करण्यात आली आहे . त्यामुळे रस्त्यावरील पायी जाणाऱ्या लोकांना दिलासा मिळाला . या सेवेत इतर राज्यातील जे मजूर व नागरिक महाराष्ट्रात विविध ठिकाणी अडकलेले असून त्यांना महाराष्ट्र राज्याच्या सीमेपर्यंत घेऊन जाणे आणि महाराष्ट्रातील रहिवासी , मजूर व इतर व्यक्ती जे इतर राज्यातून महाराष्ट्राच्या सीमेपर्यंत आले आहे त्यांना त्यांच्या महाराष्ट्रातील जिल्ह्यापर्यंत पोहचवणे . या बाबींच्या समावेश आहे. या शिवाय कोणत्याही इतर प्रवाशांकरिता महाराष्ट्र राज्य मार्ग परिवहन मंडळाची बस सेवा मोफत असनार नाही . असे जाहीर केले आहे .