“शिरपूर तालुक्यात जिल्हा परिषद व पंचायत समिती निवडणुकांसाठी मतदार यादी प्रसिद्ध – नागरिकांनी 17 ऑक्टोबरपर्यंत हरकती नोंदवाव्यात : तहसीलदार कार्यालयाचे आवाहन”
🗞️ बातमी मजकूर:
शिरपूर – मा. राज्य निवडणूक आयोग, महाराष्ट्र यांच्या आदेशान्वये आगामी जिल्हा परिषद व पंचायत समिती निवडणुकांसाठी मतदार यादीचा कालबद्ध कार्यक्रम जाहीर करण्यात आला आहे. त्यानुसार १ जुलै २०२५ रोजी अस्तित्वात असलेली महाराष्ट्र विधानसभेची मतदार यादी या निवडणुकांसाठी वापरण्यात येणार आहे.
त्या अनुषंगाने शिरपूर तालुक्यातील अंतिम प्रभाग रचनेनुसार गट व गणनिहाय मतदार यादीचे विभाजन पूर्ण करून प्रारूप मतदार यादी दिनांक ८ ऑक्टोबर २०२५ रोजी प्रसिद्ध करण्यात आली आहे. ही यादी तहसील कार्यालय शिरपूर व पंचायत समिती शिरपूर येथे पाहणी व निरीक्षणासाठी उपलब्ध ठेवण्यात आली आहे.
तहसीलदार कार्यालयाकडून नागरिकांना आवाहन करण्यात आले आहे की, प्रारूप मतदार यादीतील त्रुटी, दुरुस्ती, नावे समाविष्ट/वगळणे यासंदर्भात हरकती अथवा सूचना ८ ऑक्टोबर ते १७ ऑक्टोबर २०२५ या कालावधीत दाखल करता येतील. या कालावधीनंतर प्राप्त होणाऱ्या कोणत्याही हरकती विचारात घेतल्या जाणार नाहीत, असे स्पष्ट करण्यात आले आहे.
तहसीलदार कार्यालय शिरपूर यांनी नागरिकांना आवाहन केले आहे की, आपले नाव मतदार यादीत अचूक नोंदलेले आहे का, याची खातरजमा करून लोकशाही प्रक्रियेत सक्रीय सहभा
ग नोंदवावा.