विधानसभा निवडणुकीच्या पार्श्वभूमीवर शिरपूर प्रशासनाकडून मतदान जनजागृती चे आयोजन

विधानसभा निवडणुकीच्या पार्श्वभूमीवर शिरपूर प्रशासनाकडून मतदान  जनजागृती चे आयोजन

शिरपुर :- विधानसभा सार्वत्रिक निवडणुक 2024 प्रक्रिया सुरु असून निवडणूक आयोगच्या निर्देशानुसार मतदानाची टक्केवारी अधिकाधिक वाढावी यासाठी विविध स्तरावर प्रयत्न सुरु आहेत.

       शिरपुर प्रांतधिकारी डॉ . श्री . शरद मंडलिक,शिरपुर तहसीलदार श्री महेंद्र माळी,शिरपुर पंचायत समितीचे गट विकास अधिकारी श्री समर्थ शेवाळे यांच्या मार्गदर्शनाखाली शिरपुर गटशिक्षणाधिकारी यांच्याकडील पत्र नुसार स्वीप नोडल अधिकारी तथा शिक्षण विस्तार अधिकारी डॉ नीता सोनवणे यांच्या नियंत्रणमध्ये संपूर्ण शिरपुर तालुक्यात  आज शनिवार दिनांक 16 नोव्हेबर 2024 रोजी शिरपुर तालुक्यातील सर्व प्राथमिक ,माध्यमिक शाळा, महाविद्यालय यांच्या मार्फ़त मतदान जनजागृती रॅली काढण्यात आली

त्यां रॅली दरम्यान 'मतदार राजा जागा हो लोकशाहीचा धागा हो'मतदान करा लोकशाही बळकट करा'* अशा विविध घोषणा देत मतदान करणेबाबत जनजागृती करण्यात आली. सदर रॅलीमध्ये शाळेचे बँड पथक, इयत्ता पाचवी ते दहावी मधील विद्यार्थी तसेच महाविद्यालयींन विद्यार्थी सहभागी झालेले होते.

सर्व शिक्षक व शिक्षकेतर कर्मचारी उपस्थित होते संपूर्ण शिरपुर तालुक्यात मतदान जनजागृति रॅली आयोजित करण्यात आल्या  आणि तालुक्यात मतदार जनजागृती मोहीम राबवण्यात आली.