राष्ट्रवादी कांग्रेस पार्टी शरद पवार गटाचा शिंदखेडा येथे भव्य शेतकरी मेळावा
शिरपूर ,शिंदखेडा विधानसभा उमेदवारीवर काय बोलणार याकडे दोन्ही तालुक्यांचे लक्ष
शिरपूर प्रतिनिधी - राज्यात विधानसभा निवडणुका जवळ आल्या आहेत. महाविकास आघाडीचे जागा वाटपाचे सूत्र अद्याप निश्चित झालेले नाही. मात्र विजयाच्या अशा असलेल्या जागेवर प्रत्येक पक्ष आपली राजकीय फिल्डिंग लावत आहे. येत्या विधानसभा निवडणूक 2024 साठी राष्ट्रवादी काँग्रेस पक्ष शरद पवार गटाने देखील धुळे जिल्ह्यातील शिंदखेडा आणि शिरपूर या दोन मतदारसंघांवर आपले लक्ष केंद्रित केले असून पक्ष या दोन्ही मतदारसंघांवर आपले दावेदारी करण्याची शक्यता व्यक्त होत आहे.
त्याच्याच एक भाग म्हणून राष्ट्रवादी काँग्रेसचे संस्थापक अध्यक्ष मा.शरद पवार साहेब हे उद्या दिनांक 15 सप्टेंबर रोजी संध्याकाळी तालुक्याच्या दौऱ्यावर असून या ठिकाणी ते मोठा भव्य शेतकरी मेळावा घेणार आहेत.एस. एस. वी. पी. एस. कॉलेज ग्राउंड, शिंदखेडा येथे हा मेळावा संपन्न होणार आहे. त्यामुळे धुळे जिल्ह्यातून मोठ्या प्रमाणावर कार्यकर्ते आणि नागरिकांना आणि जिल्ह्यातील शेतकऱ्यांना यावेळी उपस्थितीचे आवाहन करण्यात आले आहे.
शिंदखेडा मतदारसंघासाठी राष्ट्रवादी काँग्रेस पक्षाची मोर्चेबांधणी सुरू असून या मेळाव्या दरम्यान भाजपचे आमदार जयकुमार भाऊरावल यांच्या विरोधात राष्ट्रवादी काँग्रेस कोणास उमेदवारी देते आणि याबाबत उद्याच्या मेळाव्यात पक्षाचे नेते आणि पवार साहेब काय बोलतात याकडे शिंदखेडा तालुक्यासह धुळे जिल्ह्याचे लक्ष लागून आहे.
सोबतच शिरपूर तालुक्यात देखील राष्ट्रवादी काँग्रेस शरद पवार गटाकडून उमेदवारी करण्यासाठी आरोग्य दुथ डॉक्टर जितेंद्र ठाकूर हे देखील इच्छुक असून त्यांनी पक्षाकडे उमेदवारीची मागणी केली आहे. याबाबत पक्षाने त्यांना तयारी करण्याची पूर्व सूचना दिली होती. त्यानुसार मागील काही दिवसांपासून डॉक्टर जितेंद्र ठाकूर यांनी तालुक्यातील मोर्चे बांधलेला सुरुवात केली आहे. मात्र शिरपूर मतदारसंघाची जागा ही काँग्रेस पक्षाला सुटणार की राष्ट्रवादीला हा तिढा अद्याप सुटलेला नाही. सदरची जागा ही राष्ट्रवादी काँग्रेस पक्षाला सुटावी अशी कार्यकर्त्यांची आणि तालुक्यातील जनतेची इच्छा आहे. मतदारसंघात डॉक्टर जितेंद्र ठाकूर यांना उमेदवारी मिळाल्यास राष्ट्रवादीच्या उमेदवाराच्या विजयाची अपेक्षा व्यक्त होत आहे. मागच्या निवडणुकीत अपक्ष असताना देखील डॉक्टर जितेंद्र ठाकूर यांनी तालुक्यातील भरघोस मत मिळून सर्वांचे लक्ष वेधले होते. त्यामुळे या निवडणुकीत राष्ट्रवादी काँग्रेस पक्षाने संधी दिल्यास आणि महाविकास आघाडीचे साथ प्राप्त झाल्यास, राज्यातील भाजप आणि महायुती पक्षांवरील नाराजी, शिरपूर तालुक्यातील बदलते राजकीय समीकरण, भाजपमधील अंतर्गत नाराजी, आणि राजकीय हुकूमशाहीला कंटाळलेली तालुक्यातील जनता ही परिवर्तनासाठी सज्ज आहे. त्यामुळे या निवडणुकीत योग्य उमेदवारास उमेदवारी प्राप्त झाल्यास निवडणूक चुरशीची होईल असे मानले जात आहे.
त्यामुळे उद्याच्या मेळाव्यात राष्ट्रवादी काँग्रेसचे अध्यक्ष शरद पवार साहेब हे शिंदखेडा आणि शिरपूर मतदारसंघाबाबत नेमके काय विधान करतात, किंवा या दोन्ही मतदारसंघात उमेदवारीबद्दल काही सूचक विधान करतात का?
याकडे या दोन्ही तालुक्यांचे व धुळे जिल्ह्याचे लक्ष लागून आहे.
या मेळाव्यातून कार्यकर्त्यांना योग्य तो संदेश आणि आदेश प्राप्त झाल्यास या दोन्ही तालुक्यातील राजकीय कार्यकर्त्यांना नवसंजीवनी प्राप्त होऊन ते जोमाने कामाला लागतील अशी अपेक्षा संभावित उमेदवाराकडून व्यक्त होत आहे.
आणि त्यामुळे उद्याच्या या मेळाव्याकडे धुळे जिल्ह्यातील राजकीय जाणकारांचे लक्ष लागून आहे.