गटविकास अधिकारी यांनी सहाय्यक लेखा अधिकारी एसीबीच्या जाळ्यात
नंदुरबार प्रतिनिधी सुमित गिरासे
नंदुरबार जिल्ह्यातील अक्कलकुवा तालुक्यातील पंचायत समिती अक्कलकुवाचे गटविकास अधिकारी आणि सहाय्यक लेखा अधिकारी यांना लाच घेण्याच्या प्रकरणात एसीबी ने रंगेहात अटक करून गुन्हा दाखल केला आहे.
अक्कलकुवा पंचायत समितीचे गटविकास अधिकारी विजय लोंढे, वय 39 वर्षे, आणि रवींद्र सुखदेव लाडे , वय 47 वर्ष , सहाय्यक लेखाधिकारी , पंचायत समिती अक्कलकुवा यांना 26 हजार रुपयांची लाच स्वीकारताना अटक करण्यात आली आहे. यात आरोपी क्रमांक एक यांच्यासाठी 18 हजार रुपये तर आरोपी क्रमांक दोन यांच्यासाठ 8 हजार रुपयांची लाचेची मागणी करण्यात आली होती. यातील सहाय्यक लेखा अधिकारी यांना लाचेची रक्कम स्वीकारताना अटक झाली आहे.
तक्रारदार यांनी पंचायत समिती अक्कलकुवा व ग्रामपंचायत डाब अंतर्गत एकूण तीन अंगणवाड्यांचे बांधकाम पूर्ण केले आहे. नमुद तिन्ही कामांच्या बिलाची रक्कम ग्रामपंचायतीच्या खात्यावर वर्ग करण्यासाठी तक्रारदार यांनी आलोसे क्रमांक दोन यांना वेळोवेळी पाठपुरावा केला. परंतु तक्रारदार यांची बिलाची रक्कम आलोसे यांनी ग्रामपंचायतीच्या खात्यावर वर्ग केली नाही. यानंतरही तक्रारदार यांनी वेळोवेळी पाठपुरावा केला असता , आलोसे यांनी तक्रारदार यांच्या एका कामाचे बिल 2,46,850/- रु. ग्रामपंचायतीच्या खात्यावर वर्ग केले जे तक्रारदार यांना त्यांच्या बँक खात्यात मिळाले. परंतु आलोसे क्रमांक 2 यांनी तक्रारदार यांचे एक बिल काढून दिल्याचा मोबदला व उर्वरित दोन बिलांची रक्कम काढण्या साठी अशा एकूण तिन्ही बिलांच्या रकमेबाबत तक्रारदार यांच्याकडून स्वतःसाठी 8,000/- रु. ची मागणी केली व आलोसे क्र 1 यांच्यासाठी 18,000/- रू. ची मागणी केली. आज रोजी पंचांसमक्ष केलेल्या सापळा कारवाई दरम्यान आलोसे क्र 2 यांनी 8,000/- रु लाचेची रक्कम तक्रारदार यांच्याकडून स्वीकारली. तसेच आलोसेे क्र 1 यांनी तक्रारदार यांच्याकडून 18,000/- रू. लाचेची रक्कम स्वतः स्वीकारून आलोसे क्र 2 यांच्या तक्रारदार यांच्याकडून लाच मागण्याच्या व लाच स्वीकारण्याच्या कृतीस प्रोत्साहन दिले म्हणून गुन्हा झाला आहे.
सदरची कारवाई मा.श्रीमती शर्मिष्ठा घारगे-वालावलकर पोलीस अधीक्षक, ला.प्र.वि, नाशिक परीक्षेत्र,नाशिक ,मा .श्री माधव रेड्डी*
अपर पोलिस अधीक्षक,ला प्र वि नाशिक परिक्षेत्र नाशिक. श्री स्वप्निल राजपूत*
वाचक, पोलीस निरिक्षक, ला.प्र.वि. नाशिक.
यांच्या मार्गदर्शनाखाली श्री राकेश चौधरी
पोलीस उपअधीक्षक, ला.प्र.वि.,नंदुरबार आणि त्यांचे पथक पोहवा/ विलास पाटील,
पोहवा/ विजय ठाकरे पोना/देवराम गावित,
पोना/ हेमंत कुमार महाले,पोना/ सुभाष पावरा, पोना/ नरेंद्र पाटील , पोना/ जितेंद्र महाले , सर्व नेमणूक अँटी करप्शन ब्युरो, नंदुरबार यांनी केली आहे.