नाका बंदी दरम्यान अफूची तस्करी करणाऱ्या वाहनावर शिरपूर तालुका पोलिसांची कारवाई
शिरपूर प्रतिनिधी - लोकसभा निवडणुकीच्या पार्श्वभूमीवर शिरपूर तालुक्यात विविध ठिकाणी पोलिसांकडून नाकाबंदी करण्यात येत आहे. व कठोर तपासणी केली जात आहे. यातच मिळालेल्या गोपनीय बातमीच्या आधारे कारवाई करत प्रतिबंधित अफूची तस्करी करणाऱ्या वाहनावर शिरपूर तालुका पोलिसांनी कारवाई केली आहे.
दि. 16/04/2024 रोजी पोलीस निरीक्षक श्रीराम पवार यांना गोपनिय बातमीदारांमार्फत बातमी मिळाली की, मध्यप्रदेश राज्यातील सेंधवा कडुन शिरपुरकडे ट्रक क्र. RJ 09 GC 4569 वरील चालक हा त्याचे स्वतःचे आर्थिक फायदयासाठी त्याचे ट्रक मध्ये मानवी मेंदूस परिणाम करणारे प्रतिबंधित अफुचे सुकलेले बोंडे (डोडा) ची बेकायदेशीर वाहतुक करुन घेवुन जात आहे. या माहितीच्या आधारे एक पथक तयार करून राष्ट्रीय महामार्ग क्र. 52 वर पळासनेर गावाजवळ लोकसभा निवडणुक 2024 अनुशंगाने लावण्यात आलेल्या चेकपोस्टवर नाकाबंदी करुन सदर वाहनाचा शोध घेणे बाबत आदेशीत केल्याने चेकपोस्टवर नाकाबंदी दरम्यान वाहने चेक करीत असतांना रात्री 00.15 वाजेच्या सुमारास बातमी प्रमाणे ट्रक क्र. RJ 09 GC 4569 हे येतांना दिसले. वाहनावरील चालकास वाहन थांबविण्याचा ईशारा केला असता सदर वाहन चालक याने त्याच्या ताब्यातील वाहन थांबविले. वाहनातील चालक व क्लिनर यांना त्याचे नाव गाव विचारले असता त्यांनी त्यांचे नाव चालक (1) सलामुद्दीन निजामुद्दीन, वय-42 वर्षे, रा. दमाखेडी ता. सितामऊ जि. मंदसोर (मध्यप्रदेश), क्लिनर (2) अशोक जगदिश चौहाण, वय 30 वर्षे, रा. मानंदखेडा ता. जावरा जि. रतलाम (मध्यप्रदेश) असे सांगीतले. सदर वाहनात भरलेल्या मालाबाबत विचारपूस केली असता त्यांनी कोणत्याही प्रकारचे समाधानकारक उत्तरे दिले नाही, वाहनात मोठ्या प्रमाणात लसुण भरलेले असल्याने अफुचे सुकलेले बोंडे (डोडा) ची खात्री करण्यासाठी सदर वाहन पोलीस ठाण्यात आणुन वाहनाची तपासणी केली असता खालील प्रमाणे मुद्देमाल मिळून आला तो.
1) 10,40,000/- रुपये किमतीचे एकूण 52 किलो वजनाचे मानवी मेंदूस परिणाम करणारे प्रतिबंधीत अफुचे सुकलेले बांडे (डोडा). कि.अं.
2) 15,00,000/- एक टाटा कंपनीचा ट्रक क्र. RI 09 GC 4569 जु.बा.कि, अं
एकुण 25,40,000/- रुपये किंमतीचा मुद्देमाल जप्त करण्यात आला असून शिरपूर तालुका पोलीस ठाण्यात गुन्हा दाखल करण्यात आला आहे.
सदरची कारवाई पेलीस अधीक्षक, धुळे श्री श्रीकांत धिवरे, अपर पोलीस अधीक्षक श्री किशोर काळे, यांचे मार्गदर्शनाखाली शिरपुर तालुका पोलीस ठाणेचे पोलीस निरीक्षक श्री. श्रीराम पवार, पोसई- बाळासाहेब वाघ, पोसई/कृष्णा पाटील, पोसई/ बाळासाहेब वाघ, असई रफिक मुल्ला, असई जयराज शिंदे, पोहेकॉ/ संतोष पाटील, पोहेकॉ/ ठाकरे, पोहेकों/ प्रविण धनगर, पोना/ मोहन पाटील, पोकों/ योगेश मोरे, पोकों/ स्वप्निल बांगर, पोकों/ संजय भोई, पोकों/ भुषण पाटील, पोकॉ/ रणजित वळवी यांनी केली असुन सदर वाहन चालक व क्लीनर यांचेवर गुंगीकारक औषधी द्रव्ये व मनोव्यापारावर परिणाम करणारे पदार्थ अधिनियम 1985 चे कलम 8(क), 15 (अ) अन्वये गुन्हा दाखल करण्याची कारवाई करण्यात आली आहे.