■■ आश्चर्य... म्हसावद येथे एकाच रात्रीत फोडली सहा दुकानी; मात्र चोरीच केली नाही..!! ◆◆ एका महिन्यापूर्वी फोडलेले दुकान परत फोडले; काय आहे या मागे गौडबंगाल..!!

शहादा (प्रतिनिधी) :- शहादा तालुक्यातील म्हसावद येथे एकाच रात्री सहा दुकाने फोडली. महिन्याभरात ही दुसरी घटना असून गेल्या महिन्यात फोडलेल्या दुकानास दुसऱ्यादा फोडण्याचा प्रयत्न केला आहे . यात पाच हजाराचा मोबाईल चोरीस गेल्याचा गुन्हा नोंद करण्यात आली आहे . याबाबत म्हसावद पोलीसांच्या कार्यक्षमतेवर प्रश्नचिन्ह निर्माण झाले आहे .

                याबाबत वृत्त असे की , शुक्रवारी रात्री म्हसावद (ता.शहादा) येथे एकाच रात्रीत सहा दुकाने फोडण्यात आली तर एका दुकानात दुसऱ्यांदा फोडण्याचा प्रयत्न करण्यात आला आहे . यात गुरूकृपा कृषी सेवा केंद्र या दुकानातून पाच हजार रूपये किमतीचा मोबाईल चोरी करण्यात आला आहे . याबाबत सागर राजाराम पाटील यांच्या फिर्यादीनुसार म्हसावद पोलीसात गुन्हा दाखल करण्यात आला आहे . या दुकानाजवळचे महालक्ष्मी किराणा दुकान , वसंत शंकर ज्वेलर्स , कलश ज्वेलर्स , पंचकृष्ण हॉटेल , श्री . चामुंडा ट्रेडींग होलसेल किराणा ही दुकाने फोडण्यात आली . येथून एक रूपयाची चोरी झाली नाही हे विशेष , तर गेल्या महिन्यात १ जानेवारीला फोडलेले शिव ज्वेलर्स पुन्हा फोडण्याचा प्रयत्न केला पण यश आले आहे. दुकाने फोडली पण चोरी केली नाही..!! या मागे काहीतरी गौडबंगाल आहे . एका महिन्यात दुसऱ्यांदा धाडसी दुकान फोडी झाल्यावर म्हसावद पोलीसांचा कार्यक्षमतेवर प्रश्नचिन्ह निर्माण झाले आहे . 

              रात्रीतून पोलीस गाडीवर गस्त करताना गाडीचा सायरन वाजवत फिरतात तर चोर सापडतील का ? सायरन का वाजवावा ? केव्हा वाजवावा ? याची नियमावली पोलीसांनी जाणून घेणे महत्वाचे आहे . दहा वर्षापासून रात्रीची गस्त म्हणजे येरे माझ्या मागल्या या प्रमाणे म्हसावद पोलीसांचे सुरू आहे . रात्रीतून गस्त घालताना सायरन वाजवणे कितपत योग्य आहे ? सहा दुकाने फोडली पण चोरीच झाली नाही हा पण आश्चर्याचा भाग आहे . यामुळे एकानेच चोरीची फिर्याद दिली आहे .