धुळे, दि. 28 (जिमाका वृत्तसेवा) : ‘कोविड- 19’ च्या पार्श्वभूमीवर प्रयोगात्मक कलेवर अवलंबून असलेल्या कलावंतांना अर्थसाहाय्य करण्याचा निर्णय शासनाने घेतला आहे. त्यासाठी पात्र कलावंतांनी 4 मार्च 2022 पर्यंत आपापल्या तालुक्यातील तहसीलदार किंवा गटविकास अधिकारी यांच्याकडे अर्ज सादर करावेत, असे आवाहन जिल्हा परिषदेचे अतिरिक्त मुख्य कार्यकारी अधिकारी संदीप माळोदे यांनी प्रसिध्दीस दिलेल्या शासकीय पत्रकान्वये केले आहे.