फलटण हादरलं! डॉक्टर तरुणीची आत्महत्या — हातावर लिहिली सुसाईड नोट; पोलीस अधिकारी आणि घरमालकाच्या मुलावर बलात्कार-छळाचे आरोप”
🌐 सविस्तर बातमी:
सातारा येथील फलटण येथे घडलेली एक हृदयद्रावक आणि संतापजनक घटना संपूर्ण महाराष्ट्राला हादरवून गेली आहे. एका महिला डॉक्टर तरुणीनं आत्महत्या करत हातावरच सुसाईड नोट लिहून आपल्या मृत्यूला जबाबदार असलेल्या दोन व्यक्तींची नावं लिहिली आहेत. या घटनेनंतर वैद्यकीय आणि पोलीस यंत्रणांवर गंभीर प्रश्नचिन्ह निर्माण झालं आहे.
मिळालेल्या माहितीनुसार, मृत डॉक्टर तरुणीनं आपल्या सुसाईड नोटमध्ये पोलीस निरीक्षक गोपाल बदने आणि घरमालकाचा मुलगा प्रशांत बनकर यांच्यावर लैंगिक अत्याचार आणि मानसिक-शारीरिक छळाचे गंभीर आरोप केले आहेत. “गोपाल बदने याने माझा रेप केला, तर प्रशांत बनकर याने मला चार महिने त्रास दिला,” असे शब्द तिच्या हातावर लिहिलेल्या सुसाईड नोटमध्ये आढळले.
मृत डॉक्टरच्या नातेवाईकांनी सांगितलं की, संबंधित डॉक्टरनं यापूर्वी 21 वेळा तक्रार केली होती, मात्र पोलिसांनी कोणतीही दखल घेतली नाही. एफआयआर दाखल करण्यासाठीही पोलिसांकडून टाळाटाळ करण्यात आल्याचा आरोप करण्यात आला आहे.
दरम्यान, या प्रकरणाची राज्य महिला आयोगानं तात्काळ दखल घेतली असून अध्यक्षा रूपाली चाकणकर यांनी घटनेचा सखोल तपास करण्याचे आदेश दिले आहेत. तसेच, विरोधक नेत्या सुषमा अंधारे यांनी या प्रकरणाची एसआयटी चौकशी करण्याची मागणी केली आहे.
या धक्कादायक घटनेची दखल उपमुख्यमंत्री देवेंद्र फडणवीस यांनीही घेतली असून, संबंधित पोलीस अधिकाऱ्याचं निलंबन करण्यात आलं आहे. तसेच, आरोपींवर कठोर कारवाई करण्याचे आदेशही देण्यात आले आहेत.
मृत महिला डॉक्टर गेल्या काही महिन्यांपासून पोलीस आणि आरोग्य विभागातील वादात अडकल्या होत्या. वैद्यकीय तपासणीसंदर्भात झालेल्या वादानंतर त्यांच्या चौकशीदरम्यान त्यांनी आपल्यावर अन्याय होत असल्याचं वरिष्ठांना सांगितल्याचं त्यांच्या सहकाऱ्यांनी उघड केलं आहे. त्यामुळे या प्रकरणात आरोपींना अटक झाल्यानंतर आणखी धक्कादायक खुलासे होण्याची शक्यता आहे.
या प्रकरणाची राज्यभरात जोरदार चर्चा असून विरोधकांनी देखील गृह विभागाच्या कारभारावर ताशेरे ओढत गृहमंत्र्यांचे गृह विभागावर नियंत्रण नाही असे आरोप केले आहेत .
त्यामुळे या सर्व प्रकारातून चौकशी झाल्यानंतर काय सत्य बाहेर येते याकडे संपूर्ण राज्याचे लक्ष लागून आहे.
🩸 समाजाला हादरवणारे प्रश्न:
डॉक्टरसारख्या सुशिक्षित महिलेलाही न्याय मिळवण्यासाठी आत्महत्येचं टोकाचं पाऊल का उचलावं लागलं?
पोलिसांनी तक्रारीकडे दुर्लक्ष केल्यास सामान्य नागरिकांचा न्यायावर विश्वास कसा टिकणार?
महिला सुरक्षेच्या नावाखालील सरकारी दावे फक्त कागदावरच का आहेत?
#हॅशटॅग्स:
#SataraSuicideCase #DoctorSuicide #PoliceOfficerAccused #SushmaAndhare #RupaliChakankar #MaharashtraNews #WomenSafety #JusticeForDoctor #FaltonShockingIncident #NirbhidVichar