आ. अमरिशभाई पटेल यांच्या वाढदिवसानिमित्त सावळदे येथील एस.व्ही.के.एम. कॅम्पस मध्ये 304 दात्यांनी केले रक्तदान
शिरपर : एस.व्ही.के.एम. संस्थेचे अध्यक्ष माजी मंत्री आमदार अमरिशभाई पटेल यांच्या वाढदिवसानिमित्त मुकेश पटेल चॅरिटेबल ट्रस्ट तर्फे सावळदे येथील एस.व्ही.के.एम. कॅम्पस, मुकेश पटेल टेक्नॉलॉजी पार्क मध्ये 304 दात्यांनी रक्तदान केले असून दोन दिवसात शिरपूर व धुळे येथील विविध महाविद्यालयांमध्ये 1309 दात्यांनी रक्तदान केल्याने गरजू रुग्णांसाठी खूप मोठी सोय झाली आहे.
यावर्षी कु. द्वेता दीदी भूपेशभाई पटेल यांच्या संकल्पनेतून मुकेश पटेल चॅरिटेबल ट्रस्ट च्या सौजन्याने जळगाव येथील इंडियन रेड क्रॉस सोसायटी ब्लड बँकेच्या सहकार्याने माजी शालेय शिक्षण मंत्री आमदार अमरिशभाई पटेल यांच्या वाढदिवसानिमित्त रक्त संकलनाचे कार्य पार पडले.
सावळदे येथील एस.व्ही.के.एम. कॅम्पस, मुकेश पटेल टेक्नॉलॉजी पार्क मध्ये 14 सप्टेंबर 2023 रोजी आमदार काशिराम पावरा, एस.व्ही.के.एम. संस्थेचे ट्रस्टी राजगोपाल भंडारी, शिरपूर एज्युकेशन सोसायटीचे सचिव प्रभाकरराव चव्हाण, सावळदे कॅम्पसचे चीफ अकौंटंट अँड ॲडमिनिस्ट्रेटर राहुल दंदे, शामकांत ईशी, इंडियन रेड्क्रोस सोसायटी चेअरमन विनोद बियानी, आपत्ती व्यवस्थापन चेअरमन सुभाष साखला, जन संपर्क अधिकारी श्रीमती उज्वला वर्मा, डॉ. अरविंद चौधरी, डॉ. अनिल चौधरी यांच्या प्रमुख उपस्थितीत रक्तदान शिबिराचे उद्घाटन करण्यात आले.
आ. अमरिशभाई पटेल यांच्या वाढदिवसानिमित्त दरवर्षी उत्साहाने सामाजिक उपक्रम तसेच रक्तदान शिबीर आयोजित केले जाते.
सावळदे कॅम्पसचे प्रभारी डायरेक्टर डॉ. आर. एस. गौड, चीफ
तसेच प्रा. डॉ. पायल दंदे यांच्या मार्गदर्शनाखाली "इच वन सेव वन" च्या स्वयंसेवकांचे रक्तदान शिबिरासाठी दिवसभर अनमोल सहकार्य लाभले.