पिंपरीत हार्डवेअरच्या दुकानाला भीषण आग; साखरझोपेत असणारं कुटुंबं होरपळून मृत्युमुखी
प्रतिनिधी दत्ता पारेकर
पुणे : पिंपरी चिंचवड शहरातून एका धक्कादायक बातमी समोर येत आहे. चिखली परिसरात असणाऱ्या पूर्णा नगर येथे दुकानांना भीषण आग लागल्याची घटना समोर आली आहे. या आगीत चार जणांचा होरपळून मृत्यू झाला असल्याची प्राथमिक माहिती समोर आली आहे. आज पहाटेच्या सुमारास ही घटना घडली आहे. मृतांमध्ये दोन लहान मुलांचाही समावेश असल्याचे समजते.याबाबत मिळालेल्या प्राथमिक माहितीनुसार, पूर्णानगर चिंचवड येथे बुधवारी पहाटेच्या सुमारास एका दुकानाला आग लागली. आगीने काही वेळेत रौद्ररूप धारण केले. ही आग आजूबाजूच्या दुकानांमध्ये पसरली. या घटनेत चार जणांचा होरपळून मृत्यू झाला आहे. घटनेची माहिती मिळताच अग्निशमन विभागाचे बंब घटनास्थळी दाखल झाले. आगीवर नियंत्रण मिळविण्याचे काम सुरू आहे.अग्निशमन विभागाच्या जवानांनी चार मृतदेह बाहेर काढले आहेत. आगीचे नेमके कारण समजू शकले नाही.अचानक लागलेल्या आगीने परिसरात एकच खळबळ उडाली आहे. अग्निशामक दलाकडून मृतदेह बाहेर काढण्यात आले असून आगीवर नियंत्रण मिळविण्याचे काम सुरु आहे. आगीच्या घटनांमध्ये सध्या व मोठ्या प्रमाणावर वाढ होत असून अनेकजण यात मृत्युमुखी पडत आहेत. मृत नेमके कोण आहेत याबाबत अजून माहिती समोर आली नसून याचा तपास करण्याचे काम अद्याप सुरू आहे.
नेमकं काय घडलं?
पिंपरी चिंचवडच्या चिखलीमधील काही दुकानांना भीषण आग लागली. यापैकी सचिन हार्डवेअर अँड इलेक्ट्रॉनिक्स या दुकानात एक कुटुंब वास्तव्याला होते. आग लागल्यानंतर ते दुकानातून बाहेर पडू शकले नाहीत. त्यामुळे आगीत होरपळून त्यांचा मृत्यू झाला. ही आग शॉर्ट सर्किटमुळे लागली असल्याची प्राथमिक माहिती अग्निशमन दलाकडून देण्यात आली असून या आगीत आणखी काही जण अडकले असल्याची शक्यता व्यक्त केली जात आहे. ज्यावेळी आग लागली त्यावेळी परिसरात राहणाऱ्या काही लोकांच्या ही बाब लक्षात आल्याने ही घटना समोर आली आहे.