19 वर्षीय तरुणीनी घेतला गळफास चिखली तालुक्यातील घटना मलकापूर - उमेश ईटणारे

१ ९ वर्षीय तरुणीने गळफास घेऊन आत्महत्या केली . ही घटना आज , १३ फेब्रुवारीला सकाळी ७ वाजता भरोसा ( ता . चिखली ) येथे समोर आली . काजल पंढरीनाथ जाधव ( रा . भरोसा , ता . चिखली ) असे आत्महत्या केलेल्या तरुणीचे नाव आहे . काजलने राहत्या घराच्या मागील बाजूला असलेल्या निंबाच्या झाडाला गळफास घेतला . घरातील इतर सदस्य झोपेतून उठले , तेव्हा त्यांना काजल दिसली नाही . घराच्या मागील बाजूला जाऊन पाहिल्यावर तिचा मृतदेह गळफास घेतलेल्या अवस्थेत दिसून आला . घटनेची माहिती मिळताच अंढेरा पोलिसांनी घटनास्थळी धाव घेतली . पंचनामा करून मृतदेह चिखली येथील उपजिल्हा रुग्णालयात उत्तरीय तपासणीसाठी पाठविण्यात आला आहे . काजलने आत्महत्या का केली हे मात्र अद्याप अस्पष्ट आहे